പുതിയ ഫീച്ചറുകൾ അവതരിപ്പിച്ചിരിക്കുകയാണ് ജനപ്രിയ സോഷ്യൽ മീഡിയ ആപ്പായ ഇൻസ്റ്റ​ഗ്രാം. ഇനിമുതൽ ഒന്നരമിനിറ്റ് ദൈർഘ്യമുള്ള റീലുകൾ ചെയ്യാം എന്നതാണ് സുപ്രധാന മാറ്റം. കൂടുതൽ ആധികാരികതയോടെ കണ്ടന്റുകൾ അവതരിപ്പിക്കാൻ ഇതുവഴി അവസരമൊരുക്കുകയാണ് ലക്ഷ്യം. 

90 സെക്കൻഡ് റീലുകൾ ഉൾപ്പെടെയുള്ള പുതിയ ഫീച്ചറുകളാണ് ഇൻസ്റ്റ​ഗ്രം ഉപയോക്താക്കൾക്കായി അവതരിപ്പിച്ചിരിക്കുന്നത്. നിങ്ങളെക്കുറിച്ചുള്ള വിവരങ്ങളും, വിഡിയോകളുടെ പിന്നിൽ സംഭവിക്കുന്ന കാഴ്ചകളും, അവതരിപ്പിക്കുന്ന വിഷയത്തിൽ കൂടുതൽ വിശദീകരണം നൽകാനുമടക്കം ഈ പുതിയ മാറ്റം ഉപയോക്താക്കൾക്ക് അവസരം നൽകുമെന്നാണ് കമ്പനി പറയുന്നത്. ഇതിനുപുറമേ സ്വന്തം ശബ്ദം റെക്കോർഡ് ചെയ്ത് അത് വിഡിയോകളിൽ ചേർക്കാനും ഇനിമുതൽ കഴിയും. 

ഇംപോർട്ട് ഓഡിയോ എന്ന ഫീച്ചർ ഉപയോ​ഗിച്ച് സ്വന്തം ശബ്ദം വിഡിയോകളിൽ ചേർക്കാനാകും. അഞ്ച് സെക്കന്റെങ്കിലും ദൈർഘ്യമുണ്ടെങ്കിൽ സ്വന്തം ഓഡിയോ റീലുകളിൽ ചേർക്കാൻ സാധിക്കും. 

ഈ വാര്‍ത്ത കൂടി വായിക്കൂ

മാര്‍ഗനിര്‍ദേശം ലംഘിച്ചു; 16ലക്ഷം ഇന്ത്യന്‍ അക്കൗണ്ടുകള്‍ നിരോധിച്ചതായി വാട്‌സ്ആപ്പ്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ