ന്യൂഡല്‍ഹി: നിക്ഷേപിക്കാന്‍ ആഗ്രഹിക്കുന്നവരെ സംബന്ധിച്ച് നിരവധി മാര്‍ഗങ്ങള്‍ വിപണിയില്‍ ലഭ്യമാണ്. സുരക്ഷിത നിക്ഷേപമാണ് ആഗ്രഹിക്കുന്നതെങ്കില്‍ ബാങ്കില്‍ സ്ഥിര നിക്ഷേപം തെരഞ്ഞെടുക്കാം. കുറച്ച് റിസ്‌ക് എടുക്കാന്‍ താത്പര്യമുള്ളവര്‍ക്ക് ഓഹരി വിപണിയില്‍ നിക്ഷേപിക്കാവുന്നതാണ്. ഓഹരി വിപണിയില്‍ തന്നെ നേരിട്ടും മ്യൂച്ചല്‍ ഫണ്ട് വഴിയും നിക്ഷേപിക്കാന്‍ സാധിക്കും. മ്യൂച്ചല്‍ ഫണ്ട്, ബാങ്ക് സ്ഥിരനിക്ഷേപം, യുലിപ്‌സ് എന്നിവ തമ്മിലുള്ള താരതമ്യ പഠനം നോക്കാം. (സാമ്പത്തിക വിദഗ്ധരുടെ അനുമാനത്തിന്റെയും കണക്കുകൂട്ടലുകളുടെയും അടിസ്ഥാനത്തില്‍)
ഒരു നിക്ഷേപകന്‍ മാസം 20000 രൂപ വീതം മ്യൂച്ചല്‍ ഫണ്ടില്‍ നിക്ഷേപിക്കാന്‍ തയ്യാറായാല്‍ 28 വര്‍ഷം കൊണ്ട് അയാളുടെ നിക്ഷേപം 48 ലക്ഷമായി മാറും. എട്ടു ശതമാനം റിട്ടേണ്‍ കണക്കാക്കിയാല്‍ കാലാവധി തീരുമ്പോള്‍ 1.05 കോടി രൂപയാണ് ലഭിക്കുക. എന്നാല്‍ നികുതി കിഴിച്ച് നോക്കിയാല്‍ യഥാര്‍ഥ റിട്ടേണ്‍ 5.5 ശതമാനം മാത്രമായിരിക്കും. അതായത് 20 ലക്ഷം രൂപ നികുതിയായി നഷ്ടപ്പെടും എന്ന് അര്‍ത്ഥം.
സമാനമായ രീതിയില്‍ യുലിപ്‌സില്‍ നിക്ഷേപിക്കുകയാണെങ്കില്‍ 20 വര്‍ഷം കഴിയുമ്പോള്‍ 1.05 കോടി രൂപ സമ്പാദിക്കാന്‍ സാധിക്കുമെന്ന് വിദഗ്ധര്‍ പറയുന്നു. യൂണിറ്റ് ലിങ്ക്ഡ് ഇന്‍ഷുറന്‍സ് പ്ലാന്‍ ആയത് കൊണ്ട് നികുതി മുക്തമാണ്. അതുകൊണ്ട് 20 വര്‍ഷം കൊണ്ട് 57 ലക്ഷം രൂപയുടെ ലാഭം ഉണ്ടാക്കാന്‍ സാധിക്കുമെന്നാണ് വിദഗ്ധര്‍ കണക്കുകൂട്ടുന്നത്. മ്യൂച്ചല്‍ ഫണ്ട്, സ്ഥിര നിക്ഷേപം എന്നിവ പോലെ നികുതി വിധേയമല്ലാത്തത് കൊണ്ട് മുഴുവന്‍ തുകയും വീട്ടിലേക്ക് കൊണ്ടുപോകാന്‍ സാധിക്കും
ഇനി ബാങ്കിലെ സ്ഥിര നിക്ഷേപത്തിലാണ് നിക്ഷേപിക്കുന്നതെങ്കില്‍ നികുതി വ്യവസ്ഥകള്‍ക്ക് വിധേയമായിരിക്കും. ശരാശരി ഏഴുശതമാനം റിട്ടേണ്‍ കണക്കാക്കിയാലും 30 ശതമാനം നികുതി പരിധിയില്‍ വരുന്നത് കൊണ്ട് ഫലത്തില്‍ റിട്ടേണ്‍ 4.8 ശതമാനം മാത്രമായിരിക്കുമെന്നും വിദഗ്ധര്‍ പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates