തിരുവനന്തപുരം; രാജ്യത്ത് പെട്രോൾ- ഡീസൽ വില ഇന്നും കൂടി. പെട്രോളിന് ലീറ്ററിന് 29 പൈസയും ഡീസല്‍ ലീറ്ററിന് 28 പൈസയുമാണ് കൂട്ടിയത്. ഇതോടെ തിരുവനന്തപുരത്ത് പെട്രോളിന് 96.21 രൂപയും ഡീസലിന് 91.50 രൂപയുമാണ് വില. കൊച്ചിയിൽ പെട്രോള്‍ 94.33 രൂപയും ഡീസല്‍ 89.74 രൂപയും. 

ഈ മാസം മാത്രം 16 തവണയാണ് ഇന്ധന വില കൂടിയത്. 3.47 രൂപയാണ് മെയിൽ പെട്രോളിന് കൂടിയത്. ഡീസലിന് 4.23 രൂപയുടെ വർധനവും ഇതിനോടകമുണ്ടായി. കോവിഡ് പ്രതിസന്ധിയ്ക്കിടെ ഇന്ധനവില അനിയന്ത്രിതമായി തുടരുന്നത് ജനങ്ങൾക്ക് കടുത്ത പ്രഹരമാവുകയാണ്. 

അതിനിടെ മുംബൈ ന​ഗരത്തിൽ പെട്രോൾ വില 100 കടന്നു. 100. 48 രൂപയാണ് ഇപ്പോഴത്തെ വില. ഡീസല്‍ വിലയും ഏറ്റവും കൂടുതലുള്ള മെട്രോ നഗരം മുംബൈയാണ്. 92.45 രൂപയാണ് മുംബൈയിലെ ഡീസല്‍ വില.