ന്യൂഡല്‍ഹി: ഡോളറിനെതിരെ രൂപയുടെ മൂല്യം ഇടിയുന്നത് തുടരുന്നു. ഇന്ന് വ്യാപാരത്തിന്റെ തുടക്കത്തില്‍ ഏഴു പൈസയുടെ നഷ്ടമാണ് രൂപ നേരിട്ടത്. ഡോളറിനെതിരെ 84.73 എന്ന നിലയിലേക്കാണ് രൂപയുടെ മൂല്യം ഇടിഞ്ഞത്.

വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്ക് അടക്കമുള്ള കാരണങ്ങളാണ് രൂപയെ ബാധിച്ചത്. വെള്ളിയാഴ്ച അഞ്ചുപൈസയുടെ നേട്ടത്തോടെ 84.66 എന്ന നിലയിലാണ് രൂപ ക്ലോസ് ചെയ്തത്. ഉപഭോക്തൃ വിലയെ അടിസ്ഥാനമാക്കിയുള്ള പണപ്പെരുപ്പനിരക്കും വ്യവസായ ഉല്‍പ്പാദന സൂചികയും വരാനിരിക്കുകയാണ്. ഈ കണക്കുകള്‍ രൂപയെ സ്വാധീനിക്കുമെന്ന് വിപണി വിദഗ്ധര്‍ അഭിപ്രായപ്പെട്ടു.

സ്വര്‍ണവില കൂടി; വീണ്ടും 57,000ന് മുകളില്‍

അതേസമയം കഴിഞ്ഞയാഴ്ച നേട്ടത്തോടെ വ്യാപാരം അവസാനിപ്പിച്ച ഓഹരി വിപണി ഇന്ന് നഷ്ടത്തിലാണ്. വ്യാപാരത്തിനിടെ ബിഎസ്ഇ സെന്‍സെക്‌സ് 170 പോയിന്റിന്റെ നഷ്ടമാണ് നേരിടുന്നത്. നിഫ്റ്റിയിലും സമാനമായ ഇടിവ് ദൃശ്യമാണ്. റിലയന്‍സ്, ടാറ്റ മോട്ടോഴ്‌സ് ഓഹരികളാണ് പ്രധാനമായി നഷ്ടം നേരിടുന്നത്.