SIP  file
Business

ലക്ഷ്യം പതിവായുള്ള വരുമാനമോ, ദീര്‍ഘകാല സമ്പത്തോ?; എസ്‌ഐപി vs എസ്ഡബ്ല്യൂപി, വിശദാംശങ്ങള്‍

സാമ്പത്തിക ലക്ഷ്യങ്ങള്‍ കൈവരിക്കാന്‍ നിരവധി നിക്ഷേപ മാര്‍ഗങ്ങള്‍ വിപണിയില്‍ ലഭ്യമാണ്.

Author : സമകാലിക മലയാളം ഡെസ്ക്
Edited By : Dhanoj AM

സാമ്പത്തിക ലക്ഷ്യങ്ങള്‍ കൈവരിക്കാന്‍ നിരവധി നിക്ഷേപ മാര്‍ഗങ്ങള്‍ വിപണിയില്‍ ലഭ്യമാണ്. ചിലത് ഗ്യാരണ്ടീഡ് റിട്ടേണ്‍ വാഗ്ദാനം ചെയ്യുമ്പോള്‍ മറ്റു ചിലത് മാര്‍ക്കറ്റ് ലിങ്ക്ഡ് ആണ്. കൂടുതല്‍ റിട്ടേണ്‍ വേണമെങ്കില്‍ റിസക് എടുക്കേണ്ടതായി വരും. മാര്‍ക്കറ്റ് ലിങ്ക്ഡ് നിക്ഷേപങ്ങളില്‍ നിന്ന് കൂടുതല്‍ റിട്ടേണ്‍ കിട്ടാനുള്ള സാധ്യത ഉണ്ട്. എന്നാല്‍ നഷ്ടസാധ്യതയും തള്ളിക്കളയാന്‍ സാധിക്കില്ല.

മാര്‍ക്കറ്റുമായി ബന്ധപ്പെട്ട രണ്ടു ജനപ്രിയ നിക്ഷേപ പദ്ധതികളാണ് എസ്‌ഐപിയും എസ്ഡബ്ല്യൂപിയും. രണ്ടും മ്യൂച്ചല്‍ ഫണ്ടുകളുമായാണ് ബന്ധപ്പെട്ട് കിടക്കുന്നത്. എന്നാല്‍ ഇരു നിക്ഷേപ തന്ത്രങ്ങളും നിറവേറ്റുന്നത് വ്യത്യസ്ത ആവശ്യകതകളാണ്.

സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍ (SIP)

ദീര്‍ഘകാല സമ്പത്ത് സൃഷ്ടിക്കുന്നതിന് എസ്‌ഐപി അനുയോജ്യമാണ്. തെരഞ്ഞെടുത്ത മ്യൂച്ചല്‍ ഫണ്ടില്‍ കൃത്യമായ ഇടവേളകളില്‍ ഒരു നിശ്ചിത തുക നിക്ഷേപിക്കുന്ന രീതിയാണ് എസ്‌ഐപി. ഇത് അച്ചടക്കമുള്ള സമ്പാദ്യം പ്രോത്സാഹിപ്പിക്കുന്നു. വിപണിയില്‍ ചാഞ്ചാട്ടം ഉണ്ടായാലും ആവറേജ് ചെയ്ത് പോകുന്നതിനാല്‍ ആഘാതം ലഘൂകരിക്കാന്‍ കഴിയും. ദീര്‍ഘകാല വളര്‍ച്ച ലക്ഷ്യമിടുന്ന നിക്ഷേപകര്‍ക്ക് എസ്‌ഐപി അനുയോജ്യമായ ഒരു നിക്ഷേപ പദ്ധതിയാണ്. എന്നാല്‍ ഇത് ഒരു ഗ്യാരണ്ടീഡ് നിക്ഷേപ മാര്‍ഗമല്ല എന്ന കാര്യം ഓര്‍ക്കേണ്ടതാണ്.

സിസ്റ്റമാറ്റിക് പിന്‍വലിക്കല്‍ പ്ലാന്‍ (SWP)

നിക്ഷേപങ്ങളില്‍ നിന്ന് പതിവായി വരുമാനം നല്‍കുന്ന തരത്തിലാണ് എസ്ഡബ്ല്യൂപി രൂപകല്‍പ്പന ചെയ്തിരിക്കുന്നത്. മ്യൂച്ചല്‍ ഫണ്ടില്‍ നിന്ന് കൃത്യമായ ഇടവേളകളില്‍ നിശ്ചിത തുക പിന്‍വലിക്കാന്‍ ഇത് അനുവദിക്കുന്നു. ഇത് സ്ഥിരമായ പണത്തിന്റെ ഒഴുക്ക് വാഗ്ദാനം ചെയ്യുന്നുണ്ടെങ്കിലും എസ്ഡബ്ല്യൂപി വിപണിയിലെ ചാഞ്ചാട്ടങ്ങള്‍ക്ക് വിധേയമാണ്. വിപണിയിലെ ഏറ്റക്കുറച്ചിലുകള്‍ക്കും തെരഞ്ഞെടുത്ത ഫണ്ടിന്റെ പ്രകടനത്തിനും വിധേയമാണ് ഇതില്‍ നിന്ന് ലഭിക്കുന്ന റിട്ടേണ്‍ എന്ന കാര്യം ഓര്‍മ്മിക്കേണ്ടത് പ്രധാനമാണ്. വിരമിച്ചവര്‍ക്കോ നിക്ഷേപങ്ങളില്‍ നിന്ന് ആനുകാലിക വരുമാനം തേടുന്ന വ്യക്തികള്‍ക്കോ എസ്ഡബ്ല്യൂപി പ്രയോജനകരമാണ്.

എസ്‌ഐപിയും എസ്ഡബ്ല്യൂപിയും തമ്മിലുള്ള പ്രധാന വ്യത്യാസം

എസ്‌ഐപി ദീര്‍ഘകാല സമ്പത്ത് സൃഷ്ടിക്കാന്‍ സഹായിക്കുന്നു. പതിവായി വരുമാനം ലഭിക്കുന്ന തരത്തിലാണ് എസ്ഡബ്ല്യൂപി.

തെരഞ്ഞെടുത്ത മ്യൂച്ചല്‍ ഫണ്ടില്‍ കൃത്യമായ ഇടവേളകളില്‍ ഒരു നിശ്ചിത തുക നിക്ഷേപിക്കുന്ന രീതിയാണ് എസ്‌ഐപി. മ്യൂച്ചല്‍ ഫണ്ടില്‍ നിന്ന് കൃത്യമായ ഇടവേളകളില്‍ നിശ്ചിത തുക പിന്‍വലിക്കാന്‍ അനുവദിക്കുന്നതാണ് എസ്ഡബ്ല്യൂപി.

നിക്ഷേപകന്റെ ബാങ്കില്‍ നിന്ന് മ്യൂച്ചല്‍ ഫണ്ടിലേക്ക് പണം പോകുന്ന തരത്തിലാണ് എസ്‌ഐപി. മ്യൂച്ചല്‍ ഫണ്ടില്‍ നിന്ന് നിക്ഷേപകന്റെ ബാങ്കിലേക്ക് പണം ഒഴുകുന്ന തരത്തിലാണ് എസ്ഡബ്ല്യൂപി.

ആവറേജ് ചെയ്യുന്നത് കൊണ്ട് എസ്‌ഐപി കൂടുതല്‍ പ്രയോജനകരമാണ്. വിപണിയിലെ ചാഞ്ചാട്ടവും തെരഞ്ഞെടുത്ത മ്യൂച്ചല്‍ ഫണ്ടിന്റെ പ്രകടനവും എസ്ഡബ്ല്യൂപിയെ ബാധിക്കും.

sip vs swp; details

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

അരിയില്‍ ഷുക്കൂര്‍ വധക്കേസില്‍ ജയരാജനെയും ടിവി രാജേഷിനെയും വെറുതെ വിട്ടു; 13 പ്രതികള്‍ കുറ്റക്കാര്‍

'രാമായണ' കമ്യൂണിസ്റ്റ് അജണ്ട പ്രൊമോട്ട് ചെയ്യുന്നു, ഹിന്ദുക്കള്‍ കാണരുത്: ഹിന്ദു ജനജാഗ്രതി സമിതി

70ന് 5... നിക്കോള്‍സും ഫിലിപ്‌സും രക്ഷിച്ചു! കൂട്ടത്തകര്‍ച്ച അതിജീവിച്ച് കിവികള്‍

'കേരളത്തില്‍ ആ സംസ്‌കാരമില്ല, കാര്യങ്ങള്‍ വിശദീകരിച്ച് പറഞ്ഞു കൊടുക്കാന്‍ മാത്രമേ എനിക്ക് കഴിയൂ'; രാധികയുടെ പരാമർശത്തിൽ കീർത്തി

ഒരു വര്‍ഷം പത്ത് ലക്ഷം രൂപയില്‍ കൂടുതല്‍ പല ബാങ്കുകളിലായി നിക്ഷേപിച്ചാല്‍ പ്രശ്‌നമുണ്ടോ?; വിശദമായി അറിയാം