കൊച്ചി : അമേരിക്കന്‍ ഡോളറിനെതിരായ ഇന്ത്യന്‍ രൂപയുടെ മൂല്യം വീണ്ടും ഇടിഞ്ഞു. ചരിത്രത്തിലാദ്യമായാണ് രൂപയുടെ മൂല്യം ഇത്രയും താഴുന്നത്.

ഒരു ഡോളറിന് എതിരെ 95.63 ലേക്കാണ് രൂപയുടെ മൂല്യമെത്തിയത്. അന്താരാഷ്ട്ര പ്രതിസന്ധികളും ക്രൂഡ് ഓയിലിന്റെ വിലവര്‍ധനയുമാണ് വെല്ലുവിളിയായത്. കഴിഞ്ഞ ആഴ്ച രൂപയുടെ വില 95.43 ലേക്ക് കൂപ്പുകുത്തിയികരുന്നു. അതില്‍നിന്നും വീണ്ടും താഴേക്കിറങ്ങിയാണ് പുതിയ റെക്കോര്‍ഡ് രേഖപ്പെടുത്തിയത്.

ഇന്ധന വിലവര്‍ധന ഇന്ത്യന്‍ സാമ്പത്തിക വളര്‍ച്ചയെ മന്ദഗതിയിലാക്കുകയും ഓഹരി വിപണിയില്‍ അനിശ്ചിതത്വം സൃഷ്ടിക്കുകയും ചെയ്യും. എണ്ണ ഇറക്കുമതിയില്‍ ലോകത്തിലെ ഏറ്റവും വലിയ മൂന്നാമത്തെ രാജ്യമായ ഇന്ത്യയ്ക്ക് വിലവര്‍ധന വലിയ പ്രത്യാഘാതങ്ങളുമുണ്ടാകും.

ഇന്ത്യന്‍ രൂപയുടെ മൂല്യം ഇടിഞ്ഞതോടെ ദിര്‍ഹം ഉള്‍പ്പെടെയുള്ളവയുടെ മൂല്യം കൂടിയിട്ടുണ്ട്. അതിനാല്‍ പ്രവാസികള്‍ക്ക് നാട്ടിലേക്ക് കൂടുതല്‍ പണമയക്കാനാകും. 1 യുഎഇ ദിര്‍ഹത്തിന് 22 മുതല്‍ 23 രൂപ വരെ ലഭിച്ചിരുന്നിടത്ത് ഇപ്പേള്‍ 25 ല്‍ കൂടുതല്‍ ലഭിക്കും. 10,000 ദിര്‍ഹം അയച്ചാല്‍ മുന്‍പ് നാട്ടില്‍ 22,000 രൂപ ലഭിച്ചിരുന്നതിനു പകരം 25,000 രൂപ ലഭിക്കും.

നിലവിലെ സാഹചര്യത്തില്‍ പണപ്പെരുപ്പത്തിനുള്ള സാധ്യതകളും വിദഗ്ദര്‍ തള്ളിക്കളയുന്നില്ല. രൂപയുടെ മൂല്യം ഇനിയും ഇടിഞ്ഞാല്‍ ഇന്ധനവില, ഇറക്കുമതി ഉല്‍പന്നങ്ങള്‍, യാത്ര തുടങ്ങിയ മേഖലകളിലും വിലക്കയറ്റമുണ്ടാകും. ഇത് സാമ്പത്തിക വ്യവസ്ഥയ്ക്കുമേല്‍ വലിയ ആഘാതങ്ങളുണ്ടാക്കും.