ന്യൂഡല്ഹി: പ്രമുഖ ജര്മന് വാഹന നിര്മ്മാതാക്കളായ ഫോക്സ്വാഗണിന്റെ എസ്യുവി ശ്രേണിയിലെ ടിഗ്വാന്റെ പരിഷ്കരിച്ച 2023 പതിപ്പ് ഇന്ത്യന് വിപണിയില് അവതരിപ്പിച്ചു. ഇന്റീരിയറില് വലിയ മാറ്റങ്ങളാണ് വരുത്തിയത്. ഏറെ പുതുമകളുമായി വിപണിയില് എത്തുന്ന ഈ വാഹനത്തിന് 34.69 ലക്ഷം രൂപയാണ് എക്സ്ഷോറൂം വില. മുന് പതിപ്പിനെഅപേക്ഷിച്ച് 50,000 രൂപ കൂടുതല്.
ഇന്റീരിയറില് നേരിയ മാറ്റങ്ങള് വരുത്തിയിട്ടുണ്ട്. ഡ്യുവല് ടോണ് സ്റ്റോം േ്രഗ നിറമാണ് ഇന്റീരിയറിന് നല്കിയിട്ടുള്ളത്. വയര്ലെസ് ചാര്ജിങ്ങ് സംവിധാനം, പാര്ക്ക് അസിസ്റ്റ് എന്നിവയാണ് പുതിയ ഫീച്ചറുകള്. പാര്ക്ക് അസിസ്റ്റ് സംവിധാനം ആക്ടിവേറ്റ് ചെയ്താല് െ്രെഡവര് ആക്സിലറേറ്റര് സപ്പോര്ട്ട് മാത്രം നല്കിയാല് മതിയാകും. വാഹനം തനിയെ പാര്ക്ക് ചെയ്യുന്ന തരത്തിലാണ് സംവിധാനം.
ഫോക്സ്വാഗണ് സിഗ്നേച്ചര് ഗ്രില്ല്, എല്ഇഡി ഹെഡ്ലാമ്പ്, ഡിആര്എല് എന്നിവയും അലോയി വീലും ഉള്പ്പെടെ മുന് മോഡലിന്റെ അതേ രൂപമാണ് എക്സ്റ്റീരിയറിന്. നൈറ്റ്ഷെയ്ഡ് ബ്ലൂ, ഒറിക്സ് വൈറ്റ്, ഡോള്ഫിന് ഗ്രേ, ഡീപ്പ് ബ്ലാക്ക്, റിഫ്ളെക്സ് സില്വര് എന്നിവ നിറങ്ങളിലാണ് വാഹനം ലഭിക്കുക.
മാട്രിക്സ് എല്ഇഡി ഹെഡ്ലാമ്പ്, 10 ഇഞ്ച് വലിപ്പമുള്ള ഡിജിറ്റല് ഇന്സ്ട്രുമെന്റ് ക്ലെസ്റ്റര്, എട്ട് ഇഞ്ച് വലിപ്പമുള്ള ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം, ഹീറ്റഡ് മുന്നിര സീറ്റുകള്, ത്രീ സോണ് ക്ലൈമറ്റ് കണ്ട്രോള് സംവിധാനം, പവേഡ് ടെയ്ല്ഗേറ്റ്, പനോരമിക് സണ്റൂഫ് എന്നിവയായിരുന്നു മുന് മോഡലിലെ ഹൈലൈറ്റ്. ഈ ഫീച്ചറുകള് പുതിയ പതിപ്പിലും ഒരുക്കിയിട്ടുണ്ട്.
സുരക്ഷയ്ക്ക് ഏറെ പ്രധാന്യം നല്കിയാണ് ഈ വാഹനം എത്തിയിട്ടുള്ളത്. റിയര് സീറ്റ്ബെല്റ്റ് റിമൈന്ഡര്, ആറ് എയര്ബാഗുകള്, ആന്റി ലോക്ക് ബ്രേക്കിങ്ങ് സിസ്റ്റം, ആന്റി സ്ലിപ്പ് റെഗുലേഷന്, എന്ജിന് ഡ്രാഗ് ടോര്ക്ക് കണ്ട്രോള്, ഹില് സ്റ്റാര്ട്ട് അസിസ്റ്റ്, ഹില് ഡിസന്റ് കണ്ട്രോള്, ആക്ടീവ് ടി.പി.എം.എസ്, ത്രീ പോയന്റ് സീറ്റ് ബെല്റ്റുകള്, ഐസോഫ്ക്സ്, െ്രെഡവര് അലേര്ട്ട്് സിസ്റ്റങ്ങള് തുടങ്ങിയ സുരക്ഷ സംവിധാനങ്ങളുമായാണ് ടിഗ്വാന് വിപണിയില് എത്തുന്നത്.2.0 ലിറ്റര് ടര്ബോചാര്ജ്ഡ് പെട്രോള് എന്ജിനാണ് ഈ വാഹനത്തിന് കരുത്തുനല്കുന്നത്. ഇത് 190 പി.എസ്. പവറും 320 എന്.എം. ടോര്ക്കുമാണ് ഉത്പാദിപ്പിക്കുന്നത്. ഏഴ് സ്പീഡ് ഡിഎസ്ജി ഓട്ടോമാറ്റിക് ഗിയര്ബോക്സാണ് ഇതില് ട്രാന്സ്മിഷന് ഒരുക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates