ആപ്പിൾ സിഇഒ ടിം കുക്ക്​ തന്റെ ഔദ്യോ​ഗിക ട്വിറ്റർ പേജിൽ ടിം ആപ്പിൾ എന്ന പുതിയ പേര് സ്വീകരിച്ചിരിക്കുകയാണ്. ടിം എന്ന പേരിനൊപ്പം ആപ്പിളിന്റെ ലോ​ഗോ ചേർത്താണ് പുതിയ പേര്. അമേരിക്കൻ പ്രസിഡൻറ്​ ഡോണൾഡ്​ ട്രംപ്​ ടിം കുക്കിനെ ടിം ആപ്പിൾ എന്ന്​ തെറ്റായി സംബോധന ചെയ്​തതിന് പിന്നാലെയാണ് ഈ പേര് മാറ്റം. 

അമേരിക്കൻ വർക്ക്​ഫോഴ്​സ്​ പോളിസി ഉപദേശക സമിതി യോഗത്തിൽ വച്ചാണ് ട്രംപ് ടിം കുക്കിന്റെ പേര് തെറ്റായി പറഞ്ഞത്. ട്രംപിനുള്ള മറുപടിയെന്നോണമാണ് കുക്ക് പേര് മാറ്റിയിരിക്കുന്നാണ് ടെക് ലോകം വിലയിരുത്തുന്നത്.

ആപ്പിളും ട്രംപും തമ്മിൽ മുമ്പുണ്ടായിരുന്ന അഭിപ്രായവ്യത്യാസങ്ങൾ ഇതോടെ വീണ്ടും ചർച്ചയാകുന്നുണ്ട്. അമേരിക്കൻ സർക്കാർ മുന്നോട്ടുവച്ച പല നിർദ്ദേശങ്ങളും ഉപഭോക്താക്കളുടെ സ്വകാര്യതയെ മാനിച്ച് ആപ്പിൾ അം​ഗീകരിച്ചിരുന്നില്ല.