ഗുവാഹത്തി : 100 വയസ്സ് പിന്നിട്ട തേയിലച്ചെടികളില്‍ നിന്നും വിളവെടുത്ത തേയിലക്ക് ലേലത്തില്‍ ലഭിച്ചത് പൊന്നും വില. കിലോഗ്രാമിന് 70,500 രൂപ നല്‍കിയാണ് തേയില ലേലത്തില്‍ റെക്കോഡിട്ടത്. 

കഴിഞ്ഞദിവസം ഗുവാഹത്തി ടീ ഓക്ഷന്‍ സെന്ററില്‍ നടന്ന ലേലത്തിലാണ് മായ്ജാന്‍ തേയില എസ്‌റ്റേറ്റില്‍ നിന്നുള്ള ഓര്‍ത്തഡോക്‌സ് ഗോള്‍ഡന്‍ ടിപ്‌സ് എന്ന തേയിലയാണ് റെക്കോഡ് വിലയ്ക്ക് വിറ്റുപോയത്. 

ലോകത്തെ ഏറ്റവും പഴക്കമുള്ള തേയിലക്കമ്പനിയായ അസംകമ്പനി ഇന്ത്യയുടെ ഉടമസ്ഥതയിലുള്ള ഈ തോട്ടത്തിലെ തേയിലച്ചെടികള്‍ക്ക് ഒരു നൂറ്റാണ്ടിലേറെ പ്രായമുണ്ട്.