ഇന്ത്യന്‍ സ്മാര്‍ട്ട്‌ഫോണ്‍ വിപണിയില്‍ കോണ്‍ഫിഗറേഷന്റെ അടിസ്ഥാനത്തില്‍ ഏറ്റവും മികച്ച സ്മാര്‍ട്ട്‌ഫോണ്‍ ഏതെന്നുള്ളതിന്റെ ഉത്തരം ഇതാ എത്തി. വണ്‍ പ്ലസ് 5. വിപണിയിലെ തകര്‍പ്പന്‍ മോഡല്‍ എന്നാണ് ഫോണിനെ ടെക്ക്‌ലോകം വിശേഷിപ്പിക്കുന്നത്.

എട്ട് ജിബി റാമുമായി എത്തിയ വണ്‍പ്ലസ് 5 ഇരട്ടച്ചങ്കനാണ് എന്നും സ്മാര്‍ട്ട്‌ഫോണ്‍ പ്രേമികള്‍ വിശേഷിപ്പിച്ചു കഴിഞ്ഞു. ഏകദേശം 35,000 രൂപയോളമാകും വിലയെന്നാണ് റിപ്പോര്‍ട്ടുകള്‍.  ക്വാല്‍കം സ്‌നാപ്ഡ്രാഗന്‍ 835 അത്യുഗ്രന്‍ പ്രോസസറാണ് ഫോണില്‍ ഉള്‍പ്പെടുത്തിയിരിക്കുന്നത്. ഇതേ പ്രോസസറുമായി ഇന്ത്യയിലെത്തുന്ന ആദ്യ സ്മാര്‍ട്ട്‌ഫോണ്‍ എന്ന പ്രത്യേകതയും വണ്‍പ്ലസ് 5 നുണ്ട്.

ക്യാമറയാണ് വണ്‍ പ്ലസ് 5ന്റെ ഏറ്റവും വിലയ പ്രത്യേകത. പിന്നില്‍ 20 മെഗാപിക്‌സല്‍ ഡ്യുവല്‍ ക്യാമറയും മുന്നില്‍ 16 മെഗാപിക്‌സല്‍ ക്യാമറയുമണ് നല്‍കിയിരിക്കുന്നത്. ഇനി ഫോട്ടോയെടുക്കാന്‍ ഡിഎസ്എല്‍ആര്‍ ക്യാമറയും തപ്പി നടക്കേണ്ടെന്ന് കമ്പനി തന്നെ പറയുന്നു. ആമസോണ്‍ വഴിയാണ് ഇന്ത്യയില്‍ വില്‍പ്പന.