കൊച്ചി: സംസ്ഥാനത്ത് സ്വർണ വിലയിൽ വർധനവ്. സ്വർണ വില വീണ്ടും 38,000 കടന്നു. ചൊവാഴ്ച പവന് 240 രൂപ കൂടി 38,160 രൂപയിലെത്തി. 30 രൂപ വർധിച്ച് ഒരു ഗ്രാം സ്വർണത്തിന്റെ വില 4770 ആയി ഉയർന്നു.

സെപ്റ്റംബർ ആറിന് പവന്റെ വില 37,360 രൂപ നിലവാരത്തിലേയ്ക്ക് താഴ്ന്നതിനു ശേഷം തുടർച്ചയായി വില വർധിക്കുന്ന പ്രവണതയാണ് കണ്ടുവരുന്നത്. അന്താരാഷ്ട്ര വിപണിയിൽ ഒരു ഔൺസ് സ്വർണത്തിന്റെ വില 11 ഡോളർ വർധിച്ച് 1,968.30 നിലവാരത്തിലെത്തി.

ഡോളർ ദുർബലമായതും അമേരിക്കയിൽ നാണ്യപ്പെരുപ്പം ഉയരുമെന്ന റിപ്പോർട്ടുകളുമാണ് സ്വർണവിലയിൽ പ്രതിഫലിച്ചത്. സുരക്ഷിത നിക്ഷേപമെന്ന നിലയിൽ നിക്ഷേപകർ സ്വർണത്തിലേക്ക് തിരിഞ്ഞതാണ് സ്വർണവില ആഗോളതലത്തിൽ ഉയരാൻ കാരണം. ഇത് കേരള വിപണിയിലും പ്രതിഫലിക്കുകയായിരുന്നു.