സംസ്ഥാന വനിതാ വികസന കോർപ്പറേഷന്റെ കീഴിലുള്ള ഫിനിഷിംഗ് സ്കൂൾ റീച്ച് ആരോഗ്യരംഗത്തെ തൊഴിൽ സാധ്യതകൾ വർധിപ്പിക്കുന്നതിനായി പുതിയ പരിശീലന പരിപാടികൾ ആരംഭിക്കുന്നു. അമേരിക്കൻ ഹാർട്ട് അസോസിയേഷൻ (AHA) അംഗീകൃത കോഴ്സുകളായ അഡ്വാൻസ്ഡ് കാർഡിയാക് ലൈഫ് സപ്പോർട്ട് (ACLS), ബേസിക് ലൈഫ് സപ്പോർട്ട് (BLS) എന്നീ കോഴ്സുകളിൽ പരിശീലനം നൽകുന്നു.
അന്തർദേശീയ നിലവാരമുള്ള അടിയന്തര രക്ഷാപ്രവർത്തന കോഴ്സുകളാണ് ഇവ. അഞ്ച് ദിവസത്തെ ക്ലാസിൽ പങ്കെടുക്കാൻ ആഗ്രഹിക്കുന്നവർക്ക് ഇപ്പോൾ തന്നെ അപേക്ഷിക്കാം.
ജിഎൻഎം പാസായവർ, ബി.എസ്.സി നഴ്സിങ് ബിരുദധാരികൾ, ആരോഗ്യരംഗത്ത് ജോലി ചെയ്യുകയോ വിദേശത്ത് അവസരം തേടുകയോ ചെയ്യുന്നവർക്ക് ഈ പരിശീലനം പ്രയോജനപ്പെടും.
രോഗികളെ രക്ഷിക്കാനുള്ള നിർണായക നിമിഷങ്ങളിൽ ശാസ്ത്രീയമായി ഇടപെടാൻ സഹായിക്കുന്ന സാങ്കേതിക അറിവുകളും പ്രായോഗിക പരിശീലനവും ഉൾപ്പെടുത്തിയാണ് കോഴ്സുകൾ രൂപകൽപ്പന ചെയ്തിരിക്കുന്നതായി റീച്ച് അധികൃതർ അറിയിച്ചു.
കോഴ്സുമായി ബന്ധപ്പെട്ട കൂടുതൽ വിവരങ്ങൾക്കും രജിസ്ട്രേഷനുമായി ബന്ധപ്പെട്ട സഹായങ്ങൾക്കുമായി 9496015002, 9496015051 എന്നീ നമ്പറുകളിൽ ബന്ധപ്പെടാമെന്ന് അധികൃതർ അറിയിച്ചു. കൂടാതെ വിശദാംശങ്ങൾ റീച്ചിന്റെ ഔദ്യോഗിക വെബ്സൈറ്റായ www.reach.org.in - ൽ വിവരങ്ങൾ ലഭ്യമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates