സുപ്രീം കോടതിയിൽ സീനിയർ പേഴ്സണൽ അസിസ്റ്റന്റ് (SPA - Group 'B' Non-Gazetted) തസ്തികയിൽ നിയമനം നടത്താനുള്ള വിജ്ഞാപനം പുറത്തിറക്കി. ആകെ 65 ഒഴിവുകളാണ് റിപ്പോർട്ട് ചെയ്തിരിക്കുന്നത്. ഒഴിവുകളുടെ എണ്ണം വർധിക്കാൻ സാധ്യതയുണ്ട്. ഡിഗ്രി യോഗ്യതയുള്ളവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി നവംബർ 10.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

പ്രധാന വിവരങ്ങൾ

തസ്തിക: സീനിയർ പേഴ്സണൽ അസിസ്റ്റന്റ്

വിദ്യാഭ്യാസ യോഗ്യത: ഏതെങ്കിലും അംഗീകൃത സർവ്വകലാശാലയിൽ നിന്നുള്ള ബിരുദം.

ശമ്പളം: 47,600 - 1,51,100 രൂപ വരെ

ഷോർട്ട്ഹാൻഡ്: ഇംഗ്ലീഷ് ഷോർട്ട്ഹാൻഡിൽ മിനിറ്റിൽ 110 വാക്കുകൾ (110 w.p.m.) വേഗത ഉണ്ടായിരിക്കണം.

ടൈപ്പിംഗ് വേഗത: കംപ്യുട്ടറിൽ ഇംഗ്ലീഷ് ടൈപ്പിംഗിൽ മിനിറ്റിൽ 40 വാക്കുകൾ (40 w.p.m.) വേഗത ഉണ്ടായിരിക്കണം.

അപേക്ഷാ ഫീസ്: ജനറൽ വിഭാഗത്തിന് 1500 രൂപ. മറ്റുള്ളവർക്ക് 750 രൂപ.

പ്രായപരിധി

• 2026 ഒക്ടോബർ 1 അനുസരിച്ച് 18 നും 30 വയസ്സിനും ഇടയിൽ ആയിരിക്കണം.

• എസ്.സി (SC), എസ്.റ്റി (ST), ഒ.ബി.സി (OBC), ഭിന്നശേഷിക്കാർ, വിമുക്തഭടന്മാർ എന്നിവർക്ക് നിയമാനുസൃതമായ ഇളവ് ലഭിക്കും.

തിരഞ്ഞെടുപ്പ് പ്രക്രിയ

ഒബ്ജക്ടീവ് പരീക്ഷ (100 മാർക്ക് - 1.5 മണിക്കൂർ): ജനറൽ ഇംഗ്ലീഷ്, പൊതുവിജ്ഞാനം, ഭരണഘടനയിലെ ജുഡീഷ്യറി വ്യവസ്ഥകൾ, സുപ്രീം കോടതി ചട്ടങ്ങൾ, കംപ്യുട്ടർ അറിവ് എന്നിവയിൽ നിന്നുള്ള ചോദ്യങ്ങൾ.

ഷോർട്ട്ഹാൻഡ് ടെസ്റ്റ് (ഇംഗ്ലീഷ്): മിനിറ്റിൽ 110 വാക്കുകൾ വേഗതയുള്ള 7 മിനിറ്റ് ദൈർഘ്യമുള്ള പരീക്ഷ.

ടൈപ്പിംഗ് ടെസ്റ്റ്: കംപ്യുട്ടറിൽ 10 മിനിറ്റ് ദൈർഘ്യമുള്ള ഇംഗ്ലീഷ് ടൈപ്പിംഗ് പരീക്ഷ (മിനിമം 40 w.p.m. വേഗത വേണം).

അഭിമുഖം : 30 മാർക്ക്.

കേരളത്തിൽ എറണാകുളം, തിരുവനന്തപുരം എന്നിവടങ്ങളിൽ പരീക്ഷാ കേന്ദ്രങ്ങൾ ഉണ്ടായിരിക്കും. താല്പര്യമുള്ളവർക്ക് സുപ്രീം കോടതിയുടെ ഔദ്യോഗിക വെബ്സൈറ്റ് (www.sci.gov.in) വഴി ഓൺലൈനായി അപേക്ഷിക്കാം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക

https://cdnbbsr.s3waas.gov.in/s3ec0490f1f4972d133619a60c30f3559e/uploads/2026/10/2026101325.pdf