കേന്ദ്രസർക്കാർ സംരംഭമായ ബ്രോഡ്കാസ്റ്റ് എഞ്ചിനീയറിങ് കൺസൾട്ടന്റ്സ് ഇന്ത്യ ലിമിറ്റഡിന്റെ (BECIL) ട്രെയിനിങ് ഡിവിഷൻ നടത്തുന്ന മോണ്ടിസോറി, പ്രീ-പ്രൈമറി, നഴ്സറി ടീച്ചർ ട്രെയിനിങ് കോഴ്സുകളിലേക്ക് വനിതകളിൽ നിന്ന് അപേക്ഷ ക്ഷണിച്ചു.

അധ്യാപന മേഖലയിൽ തൊഴിൽ നേടാൻ ആഗ്രഹിക്കുന്നവർക്ക് കുട്ടികളുടെ പ്രാരംഭ വിദ്യാഭ്യാസവുമായി ബന്ധപ്പെട്ട പരിശീലനം നേടാനുള്ള അവസരമാണിത്.

എസ്.എസ്.എൽ.സി., പ്ലസ് ടു, ഡിഗ്രി യോഗ്യതയുള്ള വനിതകൾക്ക് അപേക്ഷിക്കാമെന്നാണ് അറിയിപ്പിൽ പറയുന്നത്. മോണ്ടിസോറി, പ്രീ-പ്രൈമറി, നഴ്സറി തലങ്ങളിൽ കുട്ടികളെ പഠിപ്പിക്കുന്നതിനാവശ്യമായ പരിശീലനം ലക്ഷ്യമിട്ടുള്ള കോഴ്സുകളാണിവ.

കൂടുതൽ വിവരങ്ങൾക്കും അപേക്ഷാ നടപടികളെക്കുറിച്ച് അറിയാൻ 7994449314 എന്ന ഫോൺ നമ്പറിൽ ബന്ധപ്പെടാം.