ക്ലിനിക്കല്‍ സൈക്കോളജിസ്റ്റ്

കാസര്‍കോട് കേരള കേന്ദ്ര സര്‍വകലാശാലയില്‍ ക്ലിനിക്കല്‍ സൈക്കോളജിസ്റ്റിനെ നിയമിക്കുന്നതിന് അപേക്ഷ ക്ഷണിച്ചു.

ക്ലിനിക്കല്‍ സൈക്കോളജി/കൗണ്‍സിലിങ് സൈക്കോളജി എന്നിവയില്‍ ഏതിലെങ്കിലും റീഹാബിലിറ്റേഷന്‍ കൗണ്‍സില്‍ ഓഫ് ഇന്ത്യ (ആര്‍സിഐ)യുടെ രജിസ്ട്രേഷനോടു കൂടിയ ബിരുദാനന്തര ബിരുദം, എം.ഫില്‍, കൗമാര/യുവ കൗണ്‍സിലിങ്ങില്‍ രണ്ട് വര്‍ഷത്തെ പ്രവൃത്തി പരിചയം, ഇംഗ്ലീഷ്, ഹിന്ദി ഭാഷകളില്‍ പ്രാവീണ്യം എന്നിവയാണ് അടിസ്ഥാന യോഗ്യതകള്‍.

പ്രായപരിധി: 55 വയസ്സ്.

താൽപ്പര്യമുള്ളവര്‍ ഡിസംബര്‍ അഞ്ചിനുള്ളില്‍ contract.engage@cukerala.ac.in എന്ന ഇ മെയിലിലേക്ക് വിശദമായ ബയോഡാറ്റയും മതിയായ രേഖകളും സഹിതം അപേക്ഷിക്കേണ്ടതാണ്.

കരാര്‍ അടിസ്ഥാനത്തില്‍ ആയിരിക്കും നിയമനം അഭിമുഖ തീയതി പിന്നീട് അറിയിക്കും.

കൂടുതല്‍ വിവരങ്ങള്‍ക്ക് സര്‍വകലാശാല വെബ്സൈറ്റ് www.cukerala.ac.in സന്ദര്‍ശിക്കുക.

കെ എസ് ഇ ആർ സി ഇന്റേൺഷിപ്പ്

കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷൻ (KSERC-കെ എസ് ഇ ആർ സി) ഇന്റേൺഷിപ്പ് അപേക്ഷ തീയതി നീട്ടി.

കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷൻ (KSERC) ഇലക്ട്രിക്കൽ എൻജിനീയറിങ് / ഇലക്ട്രിക്കൽ ആന്റ് ഇലക്ട്രോണിക്‌സ് എൻജിനീയറിങ്വിഭാഗങ്ങളിലെ ബിടെക് /എംടെക് ബിരുദധാരികൾക്ക് (ഫ്രഷേഴ്‌സ്) ആയി നടത്തുന്ന ഇന്റേൺഷിപ്പിന് അപേക്ഷ ക്ഷണിച്ചു.

ഇതിനായുള്ള ഓൺലൈൻ അപേക്ഷയുടെ അവസാന തീയതി നീട്ടി. കാലാവധി നീട്ടി നൽകിയ സാഹചര്യത്തിൽ താൽപ്പര്യമുള്ളവർക്ക് ഡിസംബർ അഞ്ച് വരെ അപേക്ഷിക്കാം.