ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി, ധാർവാഡ് (ഐഐഐടി ധാർവാഡ്), പുതിയ ഓൺലൈൻ എംടെക് പ്രോഗ്രാം ആരംഭിച്ചു. കമ്പ്യൂട്ടർ സയൻസ് ആൻഡ് എൻജിനിയറിങ് വിഭാഗത്തിലാണ് പുതിയ ഓൺലൈൻ എംടെക് കോഴ്സ് ആരംഭിക്കുന്നത്.

ആർട്ടിഫിഷ്യൽ ഇന്റലിജൻസ് & മെഷീൻ ലേണിങ്, സൈബർ സുരക്ഷ, ക്ലൗഡ് കമ്പ്യൂട്ടിങ് വിഷയങ്ങളിലാണ് ഈ പ്രോഗ്രാമിലെ കോഴ്സുകൾ നടത്തുക.

പ്രവേശന നടപടികൾ ഐഐഐടി ധാർവാഡ് ആരംഭിച്ചു. ഫെബ്രുവരിയിൽ ആദ്യ ബാച്ച് ക്ലാസുകൾ ആരംഭിക്കും. രണ്ട് വർഷമാണ് കോഴ്സ് കാലാവധി.

സെമസ്റ്ററിന് 88,500 രൂപയാണ് ഫീസ്. നാല് സെമസ്റ്റർ പൂർത്തിയാക്കാനായി നൽകേണ്ടത് 3.54 ലക്ഷം രൂപയാണ്. കോഴ്സിന് ഓൺലൈനായി അപേക്ഷിക്കണം. അപേക്ഷ ഫീസ് 2,000രൂപയാണ്.

വിദ്യാഭ്യാസ യോഗ്യത: ബിഇ,ബി ടെക് ,എം എസ്‌സി,എംസിഎ ബിരുദങ്ങൾ ഉള്ളവർക്ക് അപേക്ഷിക്കാം. പ്രൊഫഷണലുകൾക്കായാണ് കോഴ്സ് വിഭാവനം ചെയ്തിരിക്കുന്നത്.

ഓൺലൈൻ ക്ലാസുകൾക്ക് പുറമെ സെമസ്റ്ററുകൾക്കിടയിൽ ക്യാമ്പസിലും ക്ലാസുകൾ നടത്തും.

ആകെ 60 ക്രെഡിറ്റുകളാണ് ഓൺലൈൻ എംടെക് പ്രോഗ്രാമിനുള്ളത്.

പിജി സർട്ടിഫിക്കേഷൻ:

ഫൗണ്ടേഷണൽ കോഴ്സുകളിൽ 15 ക്രെഡിറ്റുകൾ പൂർത്തിയാക്കുമ്പോൾ പിജി സർട്ടിഫിക്കേഷൻ ലഭിക്കും.

പിജി ഡിപ്ലോമ:

കോർ, ഇലക്ടീവ് കോഴ്‌സുകൾ ഉൾപ്പെടെ 30 ക്രെഡിറ്റുകൾ പൂർത്തിയാക്കുമ്പോൾ പി ജി ഡിപ്ലോമ ലഭ്യമാകും.

എംടെക് ബിരുദം:

തീസിസും ക്യാപ്‌സ്റ്റോൺ പ്രോജക്റ്റും ഉൾപ്പെടെ 60 ക്രെഡിറ്റുകൾ പൂർത്തിയാക്കുമ്പോൾ എംടെക് ബിരുദം ലഭിക്കും.