കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) പ്രൊഫ. എൻ ആർ മാധവ മേനോൻ ഇന്റർഡിസിപ്ലിനറി സെന്റർ ഫോർ റിസർച്ച് എത്തിക്സ് ആൻഡ് പ്രോട്ടോകോൾസ് (ഐസിആർഇപി) ഓൺലൈനായി നടത്തുന്ന അഡ്വാൻസ്ഡ് സർട്ടിഫിക്കറ്റ് പ്രോഗ്രാം ഇൻ മെഡിക്കൽ ലോ, ക്ലിനിക്കൽ റിസർച്ച് ആൻഡ് ബയോ എത്തിക്‌സിലേക്ക് അപേക്ഷ ക്ഷണിച്ചു.

എം ബി ബി എസ്/ ബി ഡി എസ്/ ബി വി എസ് സി / ബി എ എം എസ് അല്ലെങ്കിൽ നിയമത്തിൽ ബിരുദമാണ് യോഗ്യത. താല്പര്യമുള്ളവർ പൂരിപ്പിച്ച അപ്ലിക്കേഷൻ ഫോം ഒക്ടോബർ 1ന് മുൻപായി പോസ്റ്റ് വഴിയോ നേരിട്ടോ ഐസിആർഇപി ഓഫീസിൽ ലഭിക്കത്തക്കവിധം അയക്കണം.

മുൻപ് സെപ്റ്റംബർ 14 വരെ അപേക്ഷ നൽകാൻ അവസരം ഉണ്ടായിരുന്നു. ആപ്ലിക്കേഷനും മറ്റ് വിശദ വിവരങ്ങൾക്കും https://icrep.cusat.ac.in എന്ന വെബ്സൈറ്റ് സന്ദർശിക്കുക. ഫോൺ: 8078019688.