ഡിജിറ്റൽ ഇന്ത്യ കോർപ്പറേഷനിൽ (ഡിഐസി) വിവിധ സംസ്ഥാനങ്ങളിൽ നിലവിലുള്ള ഒഴിവുകൾ നികത്തുന്നതിന് അപേക്ഷ ക്ഷണിച്ചു. വിവിധ സംസ്ഥാനങ്ങളിലായാണ് ഒഴിവുകൾ ഉള്ളത്. സംസ്ഥാന കോ -ഓർഡിനേറ്റർ, സെക്യൂരിറ്റി അഡ്മിൻ എന്നീ തസ്തികകളിലേക്കുള്ള 12 ഒഴിവുകൾ നികത്തുന്നതിനാണ് അപേക്ഷ ക്ഷണിച്ചിട്ടുള്ളത്. പോഷൺ പദ്ധതിയുമായി ബന്ധപ്പെട്ടാണ് ഈ നിയമനങ്ങൾ നടത്തുന്നത്.

ഡിജിറ്റൽ ഇന്ത്യ കോർപ്പറേഷൻ (ഡിഐസി) ഡിജിറ്റൽ ഇന്ത്യഎന്ന പദ്ധതിയുടെ, ലക്ഷ്യം സാക്ഷാത്കരിക്കുന്നതിൽ നേതൃത്വം നൽകുകയും മാർഗ്ഗനിർദ്ദേശം നൽകുകയും ചെയ്യുന്ന സ്ഥാപനമാണ് ഡിഐസി.

ഇ-ഗവേണൻസ് പദ്ധതികൾക്കായുള്ള ശേഷി വർദ്ധിപ്പിക്കൽ, പൊതു-സ്വകാര്യ പങ്കാളിത്തം (പിപിപി) പ്രോത്സാഹിപ്പിക്കൽ, വിവിധ മേഖലകളിൽ ഇന്നൊവേഷനും സാങ്കേതികവിദ്യയും പരിപോഷിപ്പിക്കൽ എന്നിവയിലൂടെ ഡിജിറ്റൽ ഇന്ത്യയുടെ ദൗത്യം മുന്നോട്ട് കൊണ്ടുപോകുന്നതിന് കേന്ദ്ര/സംസ്ഥാന മന്ത്രാലയങ്ങൾ/വകുപ്പുകൾക്ക് തന്ത്രപരമായ പിന്തുണ നൽകുന്ന സ്ഥാപനമാണ് ഡിജിറ്റൽ ഇന്ത്യ കോർപ്പറേഷൻ.

ഡിജിറ്റൽ ഇന്ത്യ കോർപ്പറേഷൻ (ഡിഐസി) സംസ്ഥാന കോ-ഓർഡിനേറ്റർ, സെക്യൂരിറ്റി അഡ്മിൻ തസ്തികകളിലെ 12 ഒഴിവുകളിലേക്ക് ആണ് റിക്രൂട്ട്മെന്റ് നടത്തുന്നത്. ഇതിൽ 11 സംസ്ഥാന കോ-ഓർഡിനേറ്റർ ഒഴിവുകളാണ് വിവിധ സംസ്ഥാനങ്ങളിലായിട്ടുള്ളത്. ലക്ഷദ്വീപിലും സംസ്ഥാന കോ- ഓർഡിനേറ്റർ തസ്തികയിൽ ഒരു ഒഴിവുണ്ട്. സെക്യൂരിറ്റി അഡ്മിൻ തസ്തികയിൽ ഒരു ഒഴിവാണ് ഉള്ളത്.

നിർദ്ദിഷ്ട വിഷയങ്ങളിൽ എംഎ, ബിഎസ്‌സി യോഗ്യതയുള്ളവർക്ക് ഓൺലൈനായി അപേക്ഷിക്കാം. ഡിഐസിയുടെ ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷിക്കാനുള്ള അവസാന തീയതി മാർച്ച് 15 ആണ്.

തസ്തിക, യോഗ്യത, ഒഴിവുകൾ, പ്രായപരിധി എന്നിവ അറിയാം

സ്റ്റേറ്റ് കോ-ഓർഡിനേറ്റർ

യോഗ്യത : എംഎ ഇക്കണോമിക്സ്, എംഎ പൊളിറ്റിക്കൽ സയൻസ്, അല്ലെങ്കിൽ അഞ്ച് വർഷം വരെ നിശ്ചിത മേഖലയിൽ പ്രവൃത്തി പരിചയമുള്ള ബിരുദം.

പ്രായപരിധി : 20 - 40 വയസ്

നിയമന രീതി : കരാർ അടിസ്ഥാനത്തിൽ (രണ്ട് വർഷത്തേക്ക്)

ഒഴിവുകളുടെ എണ്ണം: 11

സെക്യൂരിറ്റി അഡ്മിൻ

യോഗ്യത: കമ്പ്യൂട്ടർ സയൻസിലോ അനുബന്ധ മേഖലയിലോ സയൻസ് ബിരുദം.

അവശ്യമായ നൈപുണികൾ: സെക്യൂരിറ്റി അഡ്മിനിസ്ട്രേറ്റർ അല്ലെങ്കിൽ ഇൻഫർമേഷൻ സെക്യൂരിറ്റി മാനേജ്മെന്റ് റോളിൽ 5 മുതൽ 8 വർഷത്തെ പരിചയം. മൈക്രോസോഫ്റ്റ് വിൻഡോസ് സെർവർ, ഓഫീസ് 365 എടിപി, അസൂർ സെക്യൂരിറ്റി സെന്റർ, എസ്ഐഇഎം, പെനിട്രേഷൻ ടെസ്റ്റിങ് മുതലായവയിൽ മുൻ പരിചയം.

സർട്ടിഫിക്കേഷനുകൾ: സിഐഎസ്എസ്പി, കോംപ് ടിഐഎ സെക്യൂരിറ്റി+, സിഐഎസ്എം, സിഇഎച്ച് എന്നിവ.

ഒഴിവുകളുടെ എണ്ണം: ഒന്ന്

പ്രായപരിധി : 20 - 40 വയസ്

നിയമന രീതി : കരാർ അടിസ്ഥാനത്തിൽ (രണ്ട് വർഷത്തേക്ക്)

ഓൺലൈനായി അപേക്ഷിക്കാനുള്ള അവസാന തീയതി: മാർച്ച് 15

ഓൺലൈനായി അപേക്ഷിക്കാനുള്ള ലിങ്ക് ഇവിടെ കാണാം

വിജ്ഞാപനം ഇവിടെ വായിക്കാം

ഡിഐസിയുടെ ഔദ്യോഗിക വെബ്സൈറ്റ് : dic.gov.in