2025 ലെ ഡി.എൻ.ബി. (പോസ്റ്റ് എം.ബി.ബി.എസ്) കോഴ്‌സ് പ്രവേശനത്തിനായുള്ള ഒന്നാംഘട്ട കേന്ദ്രീകൃത താത്ക്കാലിക അലോട്ട്മെന്റ് ലിസ്റ്റ് പ്രസിദ്ധീകരിച്ചതായി പ്രവേശന പരീക്ഷാ കമ്മീഷണർ അറിയിച്ചു. അപേക്ഷകർക്ക് www.cee.kerala.gov.in എന്ന വെബ്സൈറ്റിലൂടെ ലിസ്റ്റ് പരിശോധിക്കാം.

പ്രസിദ്ധീകരിച്ച അലോട്ട്മെന്റ് ലിസ്റ്റ് സംബന്ധിച്ച് ഏതെങ്കിലും തരത്തിലുള്ള പരാതികളോ തിരുത്തലുകൾ ആവശ്യമുണ്ടെങ്കിൽ, നവംബർ 29 വൈകുന്നേരം 3 മണിക്ക് മുമ്പായി ceekinfo.cee@kerala.gov.in എന്ന ഇ-മെയിൽ വിലാസത്തിലേക്ക് അറിയിക്കണം. സമയപരിധിക്ക് ശേഷം ലഭിക്കുന്ന പരാതികൾ പരിഗണിക്കില്ല.

കോഴ്‌സും അലോട്ട്മെന്റും സംബന്ധിച്ച കൂടുതൽ വിവരങ്ങൾക്കായി 0471-2332120, 2338487 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്. അഡ്മിഷൻ പ്രക്രിയയുമായി ബന്ധപ്പെട്ട എല്ലാ പുതുക്കലുകളും ഔദ്യോഗിക വെബ്സൈറ്റിൽ ലഭ്യമാകും.