കേന്ദ്ര വിഭ്യാഭ്യാസ മന്ത്രാലയത്തിന് കീഴിൽ പ്രവർത്തിക്കുന്ന എഡ്യൂക്കേഷണൽ കൺസൾട്ടന്റ്സ് ഇന്ത്യ ( EdCIL) ഗ്രാജുവേറ്റ് അപ്രന്റീസ് തസ്തികകളിലേക്ക് നിയമനം നടത്തുന്നതിനുള്ള ഔദ്യോഗിക വിജ്ഞാപനം പുറത്തിറക്കി. ആകെ 15 ഒഴിവുകളാണ് ഉള്ളത്. ബിരുദം, ബി ടെക് , സി എ പൂർത്തിയാക്കിയവർക്ക് അപേക്ഷിക്കാം. അപേക്ഷ നൽകേണ്ട അവസാന തീയതി 19-01-2026.
കമ്പ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രോണിക്സ് ആൻഡ് കമ്മ്യൂണിക്കേഷൻ എന്നീ വിഷയങ്ങളിൽ ബി .ടെക് ബിരുദം നേടിയവർക്ക് അപേക്ഷിക്കാം. 9 ഒഴിവുകളുണ്ട്. ഒരു വർഷമാണ് പരിശീലന കാലാവധി.
ബി .കോം ബിരുദം നേടിയവർക്കും അല്ലെങ്കിൽ സി എ (ഇന്റർമീഡിയറ്റ്), സി എം എ യോഗ്യതയുള്ളവർക്കും അപേക്ഷിക്കാം. രണ്ട് ഒഴിവുകളുണ്ട്. ഒരു വർഷമാണ് പരിശീലന കാലാവധി.
ഹ്യൂമൻ റിസോഴ്സ് മാനേജ്മെന്റ് (HRM) വിഷയത്തിൽ ബി ബി എ / ബി എ ബിരുദം നേടിയവർക്കും ബി എം എസ് ബിരുദധാരികൾക്കും അപേക്ഷിക്കാം. 2 ഒഴിവുകളാണ് ഉള്ളത്. ഒരു വർഷമാണ് പരിശീലന കാലാവധി.
ബി ബി എ (ജനറൽ), ഇംഗ്ലീഷ്, സോഷ്യോളജി, സോഷ്യൽ സയൻസ് എന്നീ വിഷയങ്ങളിൽ ബിരുദം നേടിയവർക്കും അവസരമുണ്ട്. 2 ഒഴിവുകളാണ് ഉള്ളത്. ഒരു വർഷമാണ് പരിശീലന കാലാവധി.
തെരഞ്ഞെടുക്കപ്പെടുന്നവർക്ക് പ്രതിമാസം 15,000 രൂപ സ്റ്റൈപ്പന്റ് ലഭിക്കും.
കുറഞ്ഞ പ്രായം: 19/01/2026 ന് 18 വയസ് പൂർത്തിയായിരിക്കണം.
പരമാവധി പ്രായം: 19/01/2026 ന് 25 വയസ്സ് കവിയരുത്.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates