ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഇന്ത്യൻ സ്കൂൾ ഓഫ് മൈൻസ്) ബിരുദ, ബിരുദാനന്തര ബിരുദ വിദ്യാർത്ഥികൾക്കുള്ള സമ്മർ റിസർച്ച് ഇന്റേൺഷിപ്പ് സ്കീം (എസ്ആർഐഎസ്) 2026-ലേക്ക് അപേക്ഷകൾ ക്ഷണിച്ചു.

ബിടെക്, എംടെക്, എംഎസ്‌സി, എംബിഎ വിദ്യാർത്ഥികൾക്കുള്ള ദീർഘകാല ഗവേഷണ ഇന്റേൺഷിപ്പും ഈ പ്രോഗ്രാമിൽ ഉൾപ്പെടുന്നു.

ഹ്രസ്വകാല ഇന്റേൺഷിപ്പിനും ദീർഘകാല ഇന്റേൺഷിപ്പിനും അപേക്ഷ ക്ഷണിച്ചിട്ടുണ്ട്. ഹ്രസ്വകാല ഇന്റേൺഷിപ്പ് കാലാവധി കുറഞ്ഞത് ഒരു മാസവും പരമാവധി രണ്ട് മാസവുമാണ്. ദീർഘകാല ഗവേഷണ ഇന്റേൺഷിപ്പ് കാലാവധി ആറ് മുതൽ 12 മാസം വരെ നീണ്ടുനിൽക്കുന്നതാണ്.

കാറ്റഗറി, അപേക്ഷ സ്വീകരിക്കുന്ന തീയതി, അപേക്ഷ അയക്കേണ്ട വിലാസം എന്നിവ അറിയാം

കാറ്റഗറി 1 (ബിടെക്), കാറ്റഗറി 2 (പിജി വിദ്യാർത്ഥികൾ) ഇന്റേൺഷിപ്പുകൾക്കുള്ള അപേക്ഷകൾ ഏപ്രിൽ 15 വരെ സ്വീകരിക്കുമെന്ന് ഔദ്യോഗിക അറിയിപ്പിൽ പറയുന്നു. അതേസമയം, കാറ്റഗറി 3 ലോങ് ടേം റിസർച്ച് ഇന്റേൺഷിപ്പിനുള്ള അപേക്ഷ സമർപ്പിക്കാനുള്ള അവസാന തീയതി ഏപ്രിൽ 30 ആണ്.

അപേക്ഷകർ പൂരിപ്പിച്ച അപേക്ഷാ ഫോമും ആവശ്യമായ രേഖകളും അപേക്ഷാ ഫീസ് രസീതും ഒറ്റ PDF ഫോർമാറ്റിൽ ആക്കി srip@iitism.ac.in എന്ന ഔദ്യോഗിക ഇമെയിലിലേക്ക് നിശ്ചിത സമയപരിധിക്കുള്ളിൽ സമർപ്പിക്കണം.

ഇന്റേൺഷിപ്പ് കാലാവധിയും ധനസഹായവും

ബിരുദ, ബിരുദാനന്തര ബിരുദ വിദ്യാർത്ഥികൾക്ക്, ഇന്റേൺഷിപ്പ് കാലാവധി കുറഞ്ഞത് ഒരു മാസവും പരമാവധി രണ്ട് മാസവുമാണ്. ദീർഘകാല ഗവേഷണ ഇന്റേൺഷിപ്പുകൾ ആറ് മുതൽ 12 മാസം വരെ നീണ്ടുനിൽക്കും.

ഇൻസ്റ്റിറ്റ്യൂട്ട് ഫണ്ടഡ് വിഭാഗത്തിൽ, തെരഞ്ഞെടുക്കപ്പെട്ട ഇന്റേണുകൾക്ക് പ്രതിമാസം 5,000 രൂപ നിരക്കിൽ രണ്ട് മാസം വരെ സ്കോളർഷിപ്പ് ലഭിക്കും. ഫണ്ടിങ് ഏജൻസിയുടെ നിബന്ധനകൾ അനുസരിച്ച് പ്രോജക്റ്റ് ഫണ്ടഡ് ഇന്റേണുകൾക്ക് സാമ്പത്തിക സഹായം ലഭിച്ചേക്കാം, അതേസമയം വകുപ്പുതല ആവശ്യകതകളെ അടിസ്ഥാനമാക്കി സ്വയം ധനസഹായത്തോടെയുള്ള ഇന്റേൺഷിപ്പുകൾ വാഗ്ദാനം ചെയ്യും.

അപേക്ഷാ ഫീസ്

അപേക്ഷകർ സ്ഥാപനം നിർദ്ദേശി്ചുള്ള ബാങ്ക് അക്കൗണ്ടിലേക്ക് ഓൺലൈൻ പേയ്‌മെന്റ് വഴി 500 രൂപ ഫീസ് അടയ്ക്കണം. മറ്റ് രീതികളിലുള്ള പേയ്‌മെന്റ് സ്വീകരിക്കുന്നതല്ല

യോഗ്യതയും തെരഞ്ഞെടുപ്പും

സിജിപിഎ, പ്രസിദ്ധീകരണങ്ങൾ, അവാർഡുകൾ, ഗവേഷണ നിർദ്ദേശം, ലെറ്റേഴ്സ് ഓഫ് റെക്കമെൻഡേഷൻ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ് എന്ന് ഇൻസ്റ്റിറ്റ്യൂട്ട് അറിയിച്ചു. പ്രീ ഫൈനൽ ഇയർ വിദ്യാർത്ഥികൾക്ക് മുൻഗണന നൽകാം.

ഐഐടി, ഐഐഎസ് സി,ഐഐഎം.എൻഐടി, ഐസർ, എൻഐഎസ്ഇആർ, ഐഐഇഎസ്ടി കേന്ദ്ര സർവകലാശാലകൾ അല്ലെങ്കിൽ മറ്റ് ഗവൺമെ​ന്റ് ഫണ്ടണ്ട് ടെക്നിക്കൽ ഇൻസ്റ്റിറ്റ്യൂഷൻ എന്നിവയിൽ പഠിക്കുന്നവർക്ക് കുറഞ്ഞത് 7.5 CGPA ഉണ്ടായിരിക്കണം, അതേസമയം മറ്റ് സ്ഥാപനങ്ങളിൽ നിന്നുള്ള വിദ്യാർത്ഥികൾക്ക് കുറഞ്ഞത് 8.0 CGPA ഉണ്ടായിരിക്കണം. ബാക്ക്‌ലോഗുകളോ അച്ചടക്ക നടപടിയോ ഉള്ള വിദ്യാർത്ഥികൾക്ക് അപേക്ഷിക്കാൻ അർഹതയില്ല.

ഇന്റേൺഷിപ്പ് ആവശ്യകതകൾ

ഇന്റേൺഷിപ്പിന്റെ അവസാനം ഇന്റേണുകൾ അവരുടെ പ്രവർത്തനം അവലോകന കമ്മിറ്റിക്ക് മുന്നിൽ അവതരിപ്പിക്കേണ്ടതുണ്ട്. കമ്മിറ്റിയുടെ ശുപാർശയുടെയും ഹാജർ രേഖയുടെയും അടിസ്ഥാനത്തിൽ, അസോസിയേറ്റ് ഡീന്റെ ഓഫീസ് (ആർ ആൻഡ് ഡി) ഇന്റേൺഷിപ്പ് സർട്ടിഫിക്കറ്റ് നൽകും.

ലഭ്യതയ്ക്ക് വിധേയമായി താമസ സൗകര്യം നൽകാവുന്നതാണ്, ഇന്റേണുകൾ അവരുടെ ജീവിതച്ചെലവുകൾ സ്വയം വഹിക്കേണ്ടിവരും. ഇന്റേൺഷിപ്പ് കാലയളവിൽ ലൈബ്രറി, സ്പോർട്സ് കോംപ്ലക്സ്, മെഡിക്കൽ സെന്റർ, ഇന്റർനെറ്റ് സേവനങ്ങൾ തുടങ്ങിയ സൗകര്യങ്ങൾ ആക്‌സസ് ചെയ്യുന്നതിന് ഐഐടി (ഐഎസ്എം) ഇതര വിദ്യാർത്ഥികൾക്ക് ഇൻസ്റ്റിറ്റ്യൂട്ട് താൽക്കാലിക ഐഡികൾ നൽകും.

വിശദമായ അറിയിപ്പ് ഇവിടെ വായിക്കാം

Education News: Indian Institute of Technology (Indian School of Mines) Dhanbad has announced the Summer Research Internship Programme 2026 for undergraduate and postgraduate students. Eligible candidates can now apply for this prestigious research opportunity.