കേരള സർക്കാർ സ്ഥാപനമായ കേരള കാഷ്യൂ ബോർഡ് ലിമിറ്റഡ് വിവിധ തസ്തികകളിൽ നിയമനം നടത്തുന്നു. മാനേജർ (Procurement & Marketing), ബിസിനസ് ഡെവലപ്മെന്റ് എക്സിക്യൂട്ടീവ് (BDE) തസ്തികകളിലാണ് ഒഴിവുകൾ ഉള്ളത്. കരാർ അടിസ്ഥാനത്തിൽ ആണ് നിയമനം. താൽപര്യമുള്ള ഉദ്യോഗാർഥികൾക്ക് സെന്റർ ഫോർ മാനേജ്മെന്റ് ഡെവലപ്മെന്റ് (CMD)-യുടെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അവസാന തീയതി ജൂലൈ 17.

മാനേജർ (Procurement & Marketing): 1 ഒഴിവ്

യോഗ്യത

• എം.ബി.എ (മാർക്കറ്റിങ്),എം.ബി.എ അഗ്രി ബിസിനസ് മാനേജ്മെന്റ് അല്ലെങ്കിൽ തത്തുല്യ ബിരുദാനന്തര ബിരുദമാണ് യോഗ്യത.

• പ്രൊക്യൂർമെന്റ് മേഖലയിൽ കുറഞ്ഞത് അഞ്ച് വർഷത്തെ പ്രവൃത്തിപരിചയം നിർബന്ധമാണ്. മാർക്കറ്റിങ് രംഗത്തെ പരിചയം

• സർക്കാർ/പൊതുമേഖലാ സ്ഥാപനങ്ങളിലോ കാർഷിക ഉൽപ്പന്നങ്ങളുടെ പ്രൊക്യൂർമെന്റിലോ പ്രവർത്തിച്ചിട്ടുള്ളവർക്കും e-Tendering, MS Office, Social Media Management, AI Tools എന്നിവയിൽ പ്രാവീണ്യമുള്ളവർക്കും മുൻഗണന ലഭിക്കും.

• ഇംഗ്ലീഷിലും മലയാളത്തിലും മികച്ച ആശയവിനിമയ കഴിവ് നിർബന്ധമാണ്.

പ്രായപരിധി: 2026 ജൂലൈ 1-ന് 40 വയസിന് താഴെയുള്ളവർക്ക് അപേക്ഷിക്കാം.

ശമ്പളം: തെരഞ്ഞെടുക്കപ്പെടുന്നവർക്ക് പ്രതിമാസം 45,000 ഏകീകൃത ശമ്പളം ലഭിക്കും.

കാലാവധി: 11 മാസത്തെ കരാർ നിയമനമാണ്, എന്നാൽ പ്രവർത്തന മികവിന്റെ അടിസ്ഥാനത്തിൽ കരാർ പുതുക്കാനും സാധ്യതയുണ്ട്.

ബിസിനസ് ഡെവലപ്മെന്റ് എക്സിക്യൂട്ടീവ് (BDE): 1 ഒഴിവ്

യോഗ്യത

• ബി .കോം,ബി.ബി.എ അല്ലെങ്കിൽ ബി.ബി.എം ബിരുദമാണ് അടിസ്ഥാന യോഗ്യത.

• ജനറൽ അഡ്മിനിസ്ട്രേഷൻ, സർക്കാർ e-File സംവിധാനം, MS Office, Social Media Management, AI Tools തുടങ്ങിയ മേഖലകളിൽ 3 മുതൽ 4 വർഷം വരെ പ്രവൃത്തിപരിചയം ഉണ്ടായിരിക്കണം.

• മികച്ച കംപ്യുട്ടർ പരിജ്ഞാനവും ഓഫീസ് പ്രവർത്തനങ്ങൾ കാര്യക്ഷമമായി കൈകാര്യം ചെയ്യാനുള്ള കഴിവും ഈ തസ്തികയ്ക്ക് ആവശ്യമാണ്.

പ്രായപരിധി: 2026 ജൂലൈ 1-ന് 30 വയസിന് താഴെയുള്ളവർക്ക് അപേക്ഷിക്കാം.

ശമ്പളം: തെരഞ്ഞെടുക്കപ്പെടുന്നവർക്ക് പ്രതിമാസം 25,000 രൂപ ഏകീകൃത ശമ്പളം ലഭിക്കും.

കാലാവധി: 11 മാസത്തെ കരാർ നിയമനമാണ്, എന്നാൽ പ്രവർത്തന മികവിന്റെ അടിസ്ഥാനത്തിൽ കരാർ പുതുക്കാനും സാധ്യതയുണ്ട്.

തെരഞ്ഞെടുപ്പ് രീതി

• അപേക്ഷകളുടെ പ്രാഥമിക പരിശോധനയ്ക്ക് ശേഷം ഷോർട്ട്‌ലിസ്റ്റ് ചെയ്യുന്ന ഉദ്യോഗാർഥികളെ അഭിമുഖത്തിന് വിളിക്കും.

• ആവശ്യമെങ്കിൽ എഴുത്തുപരീക്ഷ, സ്കിൽ ടെസ്റ്റ്, ഗ്രൂപ്പ് ഡിസ്കഷൻ തുടങ്ങിയ അധിക തെരഞ്ഞെടുപ്പ് ഘട്ടങ്ങളും ഉൾപ്പെടുത്താൻ CMD-യ്ക്ക് അധികാരമുണ്ട്.

അപേക്ഷിക്കേണ്ട വിധം

അപേക്ഷകൾ ഓൺലൈൻ വഴി മാത്രം സമർപ്പിക്കണം.

• അപേക്ഷ ആരംഭിക്കുന്നത്: 2026 ജൂലൈ 8 രാവിലെ 10.00 മണി

• അവസാന തീയതി: 2026 ജൂലൈ 17 വൈകിട്ട് 5.00 മണി

അപേക്ഷ സമർപ്പിക്കുമ്പോൾ പുതുക്കിയ CV, പാസ്‌പോർട്ട് സൈസ് ഫോട്ടോ, ഒപ്പ്, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകൾ അപ്‌ലോഡ് ചെയ്യണം.

കൂടുതൽ വിവരങ്ങൾക്കും ഓൺലൈൻ അപേക്ഷയ്ക്കും സന്ദർശിക്കുക

https://cmd.kerala.gov.in/wp-content/uploads/2026/07/Final-Notification.pdf