സഹകരണ ബാങ്കുകളിലും സംഘങ്ങളിലുമായി വിവിധ തസ്തികകളിൽ നിയമനം നടത്തുന്നു. 107 ഒഴിവുകൾ ആണ് ഉള്ളത്. സഹകരണ സർവീസ് പരീക്ഷാ ബോർഡ് ആണ് വിജ്ഞാപനം പുറത്തിറക്കിയത്. അപേക്ഷകൾ സമർപ്പിക്കേണ്ട അവസാന തീയതി നവംബർ 10.

ജൂനിയർ ക്ലാർക്ക്/ കാഷ്യർ (88 ഒഴിവ്), അസിസ്റ്റന്റ് സെക്രട്ടറി/ചീഫ് അക്കൗണ്ടന്റ് (6 ഒഴിവ്), ഡേറ്റ എൻട്രി ഓപ്പറേറ്റർ (4 ഒഴിവ്), സെക്രട്ടറി (4 ഒഴിവ്), സിസ്റ്റം അഡ്മിനിസ്ട്രേറ്റർ (4 ഒഴിവ്), ടൈപ്പിസ്റ്റ് (1 ഒഴിവ്) എന്നി തസ്തികളിലേക്കാണ് നിയമനം നടത്തുന്നത്.

ഉദ്യോഗാർഥികൾ http://cseb.kerala.gov.in വഴി രജിസ്റ്റർ ചെയ്യണം. അതിനു ശേഷം സ്വന്തം പ്രൊഫൈൽ വഴി അപേക്ഷ നൽകാം. ഓരോ തസ്തികയിലേക്കും പ്രത്യേകം അപേക്ഷ സമർപ്പിക്കുക. സഹകരണ സർവീസ് പരീക്ഷാ ബോർഡ് ബോർഡ് നടത്തുന്ന ഒഎംആർ പരീക്ഷയുടെയും സഹകരണ സ്ഥാപനം നടത്തുന്ന അഭിമുഖത്തിന്റെയും അടിസ്ഥാനത്തിലാണ് നിയമനം. കൂടുതൽ വിവരങ്ങൾക്ക് http://keralacseb.kerala.gov.in സന്ദർശിക്കുക.