നോർത്ത് ഈസ്റ്റേൺ ഇലക്ട്രിക് പവർ കോർപ്പറേഷൻ ലിമിറ്റഡ് (NEEPCO) വിവിധ എക്സിക്യൂട്ടീവ് തസ്തികകളിലേക്ക് അപേക്ഷ ക്ഷണിച്ചു. ആകെ 38 ഒഴിവുകളാണുള്ളത്. ബിരുദം, എഞ്ചിനീയറിങ് , എംബിഎ, സി.എ/സി.എം.എ, എംബിബിഎസ്, എൽ.എൽ.ബി, ജേർണലിസം, സോഷ്യൽ വർക്ക് തുടങ്ങിയ യോഗ്യതകളുള്ളവർക്ക് അപേക്ഷിക്കാം. അപേക്ഷകൾ ഓൺലൈനായി സമർപ്പിക്കണം. അവസാന തീയതി ജൂലൈ 13.

ഒഴിവുകൾ - 38

• എക്സിക്യൂട്ടീവ് (ERP) – 2

• എക്സിക്യൂട്ടീവ് (HR - കോർപ്പറേറ്റ് കമ്മ്യൂണിക്കേഷൻ) – 1

• എക്സിക്യൂട്ടീവ് (സിവിൽ) – 9

• എക്സിക്യൂട്ടീവ് (സെക്യൂരിറ്റി) – 4

• എക്സിക്യൂട്ടീവ് (ലോ) – 1

• എക്സിക്യൂട്ടീവ് (സേഫ്റ്റി) – 2

• എക്സിക്യൂട്ടീവ് (ഫിനാൻസ്) – 12

• എക്സിക്യൂട്ടീവ് (മെഡിക്കൽ) – 5

• എക്സിക്യൂട്ടീവ് (HR - CSR) – 2

യോഗ്യത

തസ്തിക അനുസരിച്ച് ഏതെങ്കിലും വിഷയത്തിൽ ബിരുദം, സിവിൽ/മെക്കാനിക്കൽ/ഇലക്ട്രിക്കൽ എൻജിനിയറിങ് ബിരുദം, എംബിബിഎസ്, എംബിഎ (ഫിനാൻസ്), സി.എ/സി.എം.എ, എൽ.എൽ.ബി, സോഷ്യൽ വർക്കിൽ ബിരുദാനന്തര ബിരുദം, മാസ് കമ്മ്യൂണിക്കേഷൻ/ജേർണലിസം പി.ജി ഡിഗ്രി അല്ലെങ്കിൽ ഡിപ്ലോമ എന്നിവയിൽ ഏതെങ്കിലും യോഗ്യത ഉണ്ടായിരിക്കണം. ചില തസ്തികകൾക്ക് ബന്ധപ്പെട്ട മേഖലയിൽ പ്രവൃത്തി പരിചയവും നിർബന്ധമാണ്.

പ്രായപരിധി

• തസ്തിക അനുസരിച്ച് പരമാവധി പ്രായപരിധി 30 മുതൽ 37 വയസ് വരെയാണ്.

• SC/ST വിഭാഗക്കാർക്ക് 5 വർഷവും OBC (NCL) വിഭാഗക്കാർക്ക് 3 വർഷവും പ്രായ ഇളവ് ലഭിക്കും. PwBD, മുൻ സൈനികർ എന്നിവർക്ക് സർക്കാർ ചട്ടങ്ങൾ പ്രകാരമുള്ള ഇളവുകളും ലഭിക്കും.

തെരഞ്ഞെടുപ്പ് രീതി

• അപേക്ഷകളുടെ പ്രാഥമിക പരിശോധനയ്ക്ക് ശേഷം ഉദ്യോഗാർഥികളെ ഷോർട്ട് ലിസ്റ്റ് ചെയ്യും.

• തുടർന്ന് എഴുത്തുപരീക്ഷ അല്ലെങ്കിൽ കംപ്യുട്ടർ അധിഷ്ഠിത പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

കൂടുതൽ വിവരങ്ങൾക്കും ഓൺലൈൻ അപേക്ഷ സമർപ്പിക്കാനുമായി NEEPCOയുടെ ഔദ്യോഗിക വെബ്സൈറ്റ് സന്ദർശിക്കുക.

https://neepco.co.in