പൊതുമേഖലാ സ്ഥാപനമായ യൂണിയൻ ബാങ്ക് ഓഫ് ഇന്ത്യയിൽ വെൽത്ത് മാനേജർ തസ്തികയിലേക്ക് അപേക്ഷ ക്ഷണിച്ചു. 250 ഒഴിവുകൾ ആണ് ഉള്ളത്. അപേക്ഷകൾ സമർപ്പിക്കനുള്ള അവസാന തീയതി ഓഗസ്റ്റ് 25.

യോഗ്യത: എം.ബി.എ, പിജി.ഡി.എം, പിജി.ഡി.ബി.എം, പിജി.ഡി.ബി.എ ജയം. എൻ.ഐ.എസ്‌.എം/ഐ.ആർ.ഡി.എ.ഐ/എൻ.സി.എഫ്‌.എം/എ.എം.എഫ്‌.ഐ സർട്ടിഫിക്കേഷൻ അഭികാമ്യം. പ്രായപരിധി ജനറർ വിഭാഗത്തിന് 25 – 35 വയസ്‌ വരെയാണ്. സംവരണ വിഭാഗത്തിൽ ഉൾപ്പെടുന്നവർക്ക് നിയമാനുസൃത ഇളവ്‌ ലഭിക്കും.

അപേക്ഷാ ഫീസ് 1180 രൂപയാണ്. എസ്‌സി/എസ്ടി/പിഡബ്ല്യുബിഡി വിഭാഗത്തിന്‌ 177 രൂപ അടച്ചാൽ മതിയാകും. ഓൺലൈൻ പരീക്ഷ, ഗ്രൂപ്പ്‌ ഡിസ്‌കഷൻ, പ്രമാണ പരിശോധന, അഭിമുഖം എന്നിവയുടെ അടിസ്ഥാനത്തിലാണ്‌ തിരഞ്ഞെടുപ്പ്‌. കേരളത്തിൽ തിരുവനന്തപുരം, കോട്ടയം, എറണാകുളം, തൃശൂർ, കോഴിക്കോട്‌ എന്നിവിടങ്ങളിൽ പരീക്ഷാകേന്ദ്രങ്ങളുണ്ട്‌. കൂടുതൽ വിവരങ്ങൾക്ക് സന്ദർശിക്കുക www.unionbankofindia.co.in.