ബാങ്ക് ഓഫ് ബറോഡയിൽ 417 ഒഴിവുകൾ

ബാങ്ക് ഓഫ് ബറോഡയിൽ വിവിധ ഒഴിവുകളിലേക്ക് അപേക്ഷ ക്ഷണിച്ചു. മാനേജർ, അഗ്രികൾച്ചർ മാർക്കറ്റിങ്‌ ഓഫീസർ,അഗ്രികൾച്ചർ മാർക്കറ്റിങ്‌ മാനേജർ എന്നീ തസ്തികകളിലാണ് ഒഴിവുകൾ ഉള്ളത്. ഈ മാസം 26 വരെ അപേക്ഷ നൽകാം.

തസ്തികകളും ഒഴിവുകളുടെ എണ്ണവും

മാനേജർ(സെയിൽസ്‌) - 227, അഗ്രികൾച്ചർ മാർക്കറ്റിങ്‌ ഓഫീസർ - 142, അഗ്രികൾച്ചർ മാർക്കറ്റിങ്‌ മാനേജർ - 48 എന്നിങ്ങനെയാണ്‌ തസ്തികകളും ഒഴിവുകളുടെയും എണ്ണം. നിയമനം ലഭിക്കുന്നവർക്ക് ഒരു വർഷം പ്രൊബേഷൻ പിരീഡായിരിക്കും.

അപേക്ഷാഫീസ് ജനറൽ വിഭാഗത്തിന് 850 രൂപ. സംവരണ വിഭാഗത്തിൽപ്പെട്ടവർക്ക് 175 രൂപ. ഓൺലൈൻ ടെസ്‌റ്റ്‌, സൈക്കോമെട്രിക്‌ ടെസ്‌റ്റ്‌, ഗ്രൂപ്പ്‌ ഡിസ്‌കഷൻ,അഭിമുഖം എന്നിവയുടെ അടിസ്ഥാനത്തിലാണ്‌ ജോലി ലഭിക്കുക. എറണാകുളത്ത്‌ പരീക്ഷാകേന്ദ്രമുണ്ട്‌.

സെയിൽസ് മാനേജർ- അംഗീകൃത സർവകലാശാലയിൽ നിന്ന് ബിരുദം നേടിയിരിക്കണം. പ്രായപരിധി 24 – 34 വയസ്‌ വരെ ആയിരിക്കും. അഗ്രികൾച്ചർ മാർക്കറ്റിങ്‌ ഓഫീസർ തസ്തികയിലേക്ക് അപേക്ഷിക്കാനുള്ള പ്രായ പരിധി 24 –36 വയസ്‌ വരെയും അഗ്രികൾച്ചർ സെയിൽസ് മാനേജർ തസ്തികയിലേക്ക് 26 –42 വയസ്‌ വരെയുമാണ്.

അപേക്ഷ സമർപ്പിക്കാനും കൂടുതൽ വിവരങ്ങൾക്കുമായി www.bankofbaroda.in സന്ദർശിക്കുക