ന്യൂഡല്‍ഹി: പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ മോട്ടോറോളയുടെ അടുത്ത പുതു തലമുറ ഫ്‌ലാഗ്ഷിപ്പ് സ്മാര്‍ട്ട്‌ഫോണ്‍ അടുത്ത വര്‍ഷത്തിന്റെ തുടക്കത്തില്‍ ഇന്ത്യന്‍ വിപണിയില്‍ അവതരിപ്പിക്കുമെന്ന് റിപ്പോര്‍ട്ട്. മോട്ടോറോള സിഗ്നേച്ചര്‍ 27 എന്ന പേരിട്ടിരിക്കുന്ന ഫോണിന്റെ കൂടുതല്‍ വിവരങ്ങള്‍ പുറത്തുവന്നിട്ടുണ്ട്. അടിസ്ഥാന മോഡലിന് ഒരു ലക്ഷം രൂപയുടെ അടുത്ത് വില വരുമെന്നാണ് കരുതുന്നത്.

6.8 ഇഞ്ച് എല്‍ടിപിഒ അമോലെഡ് സ്‌ക്രീന്‍ ആയിരിക്കും ഡിസ്‌പ്ലേയായി വരിക. 165 hz റിഫ്രഷ് റേറ്റ് ആണ് ഡിസ്‌പ്ലേയില്‍ പ്രതീക്ഷിക്കുന്നത്. കോണിങ് ഗൊറില്ല ഗ്ലാസ് വിക്ടസ് രണ്ട് പ്രൊട്ടക്ഷന്‍ ഡിസ്‌പ്ലേയ്ക്ക് ഉണ്ടായേക്കും. ക്വാല്‍കോം സ്‌നാപ്ഡ്രാഗണ്‍ 8 എലൈറ്റ് എക്‌സ്ട്രീം ജെന്‍ 6 ചിപ്‌സെറ്റ് ആയിരിക്കും ഇതിന് കരുത്തുപകരുക. 16 ജിബി റാമും ഒരു ടിബി സ്റ്റോറേജുമുള്ള മോഡല്‍ ആണ് പ്രതീക്ഷിക്കുന്നത്.

ആന്‍ഡ്രോയിഡ് 17ല്‍ പ്രവര്‍ത്തിക്കുന്ന ഫോണിന് 6000 എംഎഎച്ച് ബാറ്ററി ഉണ്ടാവുമെന്നാണ് പ്രതീക്ഷ. 90 w ഫാസ്റ്റ് വയേര്‍ഡ് ചാര്‍ജിങ്, 50w വയര്‍ലെസ് ചാര്‍ജിങ് എന്നിവയെ സപ്പോര്‍ട്ട് ചെയ്യുന്നതായിരിക്കും ബാറ്ററി. റീവേഴ്‌സ് ചാര്‍ജിങ് സപ്പോര്‍ട്ടും പ്രതീക്ഷിക്കുന്നുണ്ട്. 50 എംപി മെയ്ന്‍ കാമറയും 200 എംപി പെരിസ്‌കോപ് ടെലിഫോട്ടോ സെന്‍സറും 50 എംപി അള്‍ട്രാ വൈഡ് ലൈന്‍സും കാമറ വിഭാഗത്തില്‍ പ്രതീക്ഷിക്കുന്നുണ്ട്. സെല്‍ഫി ചിത്രങ്ങള്‍ക്കും വിഡിയോകള്‍ക്കുമായി 50 എംപി ഫ്രണ്ട് കാമറയാണ് മറ്റൊരു ഫീച്ചര്‍.