ന്യൂഡല്‍ഹി: പ്രമുഖ സ്മാര്‍ട്ട്ഫോണ്‍ നിര്‍മ്മാതാക്കളായ വിവോയുടെ പുതിയ സ്മാര്‍ട്ട്ഫോണ്‍ ആയ വിവോ വി60 ഫൈവ്ജി ഇന്ത്യന്‍ വിപണിയില്‍ അവതരിപ്പിച്ചു. വിവോ വി60 ഫോണിന് 120 Hz റിഫ്രഷ് റേറ്റും 5,000 nits പീക്ക് ബ്രൈറ്റ്നസ്സും ഉള്ള 6.77 ഇഞ്ച് ക്വാഡ് കര്‍വ്ഡ് ഡിസ്പ്ലേയാണ് ഉള്ളത്.
16 ജിബി റാമും 512 ജിബി സ്റ്റോറേജുമുള്ള സ്‌നാപ്ഡ്രാഗണ്‍ 7 ജെന്‍ 4 പ്രോസസറാണ് ഫോണിന് കരുത്തു പകരുന്നത്. ആന്‍ഡ്രോയിഡ് 15 അടിസ്ഥാനമാക്കിയുള്ള ഫണ്‍ടച്ച് ഒഎസ് 15ലാണ് ഇത് പ്രവര്‍ത്തിക്കുന്നത്. ഇത് നാലു വര്‍ഷത്തെ ഒഎസും 6 വര്‍ഷത്തെ സുരക്ഷാ അപ്ഡേറ്റുകളും വാഗ്ദാനം ചെയ്യും.
സീസ് ഒപ്റ്റിക്സുമായി സഹകരിച്ച് രൂപകല്‍പ്പന ചെയ്ത ട്രിപ്പിള്‍ കാമറ സജ്ജീകരണമാണ് ഇതില്‍ ഒരുക്കിയിരിക്കുന്നത്. കാമറ വിഭാഗത്തില്‍ 50 എംപി പ്രധാന കാമറയും 10x സൂമോടുകൂടിയ 50 എംപി ടെലിഫോട്ടോ ലെന്‍സും ഉള്‍ക്കൊള്ളുന്നു. ഇതിന് 50 എംപി സെല്‍ഫി കാമറയുമുണ്ട്. കാമറ ആപ്പിലും എഐ സവിശേഷതകള്‍ ലഭ്യമാണ്. കുറഞ്ഞ വെളിച്ചത്തിലും മികച്ച പോര്‍ട്രെയ്റ്റുകള്‍ക്കായി വിവോയുടെ ഓറ ലൈറ്റ് സിസ്റ്റവും ഈ ഉപകരണത്തില്‍ ഉണ്ട്.
വിവോ വി60 8 ജിബി/128 ജിബി വേരിയന്റിന് 36,999 രൂപയാണ്് വില. 8 ജിബി/256 ജിബി മോഡലിന് 38,999, 12 ജിബി/256 ജിബി യൂണിറ്റിന് 40,999, 16 ജിബി/512 ജിബി വേരിയന്റിന് 45,999 എന്നിങ്ങനെയാണ് വില. ഓഗസ്റ്റ് 19 മുതല്‍ വില്‍പ്പനയ്ക്കെത്തും. 90W ചാര്‍ജിങ്ങുള്ള 6,500mAh ബാറ്ററിയില്‍ പ്രവര്‍ത്തിക്കുന്ന ഫോണ്‍ ഗൂഗിള്‍ ജെമിനി ലൈവ്, AI ക്യാപ്ഷനുകള്‍, സ്മാര്‍ട്ട് കോള്‍ അസിസ്റ്റന്റ് തുടങ്ങിയ നൂതന എഐ ഫീച്ചറുകളും ഇത് വാഗ്ദാനം ചെയ്യുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates