സമൂഹമാധ്യമങ്ങളില് നിറയെ ആരാധകരുള്ള വ്യക്തിയാണ് ജര്മന് ഫിറ്റ്നസ് താരം ജോ ലിന്ഡെര്. ഇന്സ്റ്റഗ്രാമില് 85 ലക്ഷം ഫോളോവേഴ്സുള്ള ജോയുടെ യൂട്യൂബ് വിഡിയോകള്ക്ക് 50 കോടിയിലധികമാണ് കാഴ്ച്ചക്കാര്. അടുത്തിടെ തനിക്ക് റിപ്ലിങ് മസില് ഡിസീസ് (ആര്എംഡി) കണ്ടെത്തിയെന്ന് ജോ ഇന്സ്റ്റഗ്രാമില് പങ്കുവച്ചിരുന്നു. പക്ഷെ, ആഴ്ചകള്ക്കിപ്പുറം ജോയുടെ വിയോഗവാര്ത്തയാണ് കാമുകി നിച്ച അറിയിച്ചിരിക്കുന്നത്.
എന്താണ് റിപ്ലിങ് മസില് ഡിസീസ് (ആര്എംഡി)?
പ്രധാനമായും പേശികളെ പിടിമുറുക്കുന്ന ഒരു അവസ്ഥയാണിത്. ഒരു ന്യൂറോമസ്കുലര് ഡിസോര്ഡറായ ആര്എംഡി എന്ന അവസ്ഥ പേശികളുടെ ഹൈപ്പര്ഇറിറ്റബിളിറ്റി ആണ്. സ്ട്രെച്ച് ചെയ്യുന്നതടക്കമുള്ള മൂവ്മെന്റുകള് തുടര്ച്ചയായി ചെയ്യുന്നതാണ് ഈ അവസ്ഥയ്ക്ക് കാരണം.
ഒരേ മസില് ഗ്രൂപ്പ് തന്നെ ആവര്ത്തിച്ച് പ്രവര്ത്തിച്ചുകൊണ്ടിരിക്കുമ്പോഴാണ് അസ്വസ്ഥത ഉടലെടുക്കുന്നത്. ക്ഷീണം, പേശികള്ക്ക് മുറുക്കം തുടങ്ങിയ ബുദ്ധിമുട്ടുകള് ആയാസകരമായ പ്രവര്ത്തികളില് ഏര്പ്പെടുമ്പോഴും തണുത്ത കാലാവസ്ഥയിലായിരിക്കുമ്പോഴും പതിവാണ്. ആര്എംഡി ഉള്ള ആളുകളില് ചിലപ്പോള് പേശികള്ക്ക് അമിതവളര്ച്ചയും കാണാറുണ്ട്.
ഇത് ഒരു ജനിതക രോഗം
റിപ്ലിങ് മസില് ഡിസീസ് ഒരു ജനിതക രോഗമാണ്. ഒന്നോ അതിലധികമോ ജീനുകള് ശരിയായി പ്രവര്ത്തിക്കാത്തത് മൂലം ഇത് സംഭവിക്കും. സിഎവി3 എന്ന ജീനിലുണ്ടാകുന്ന മാറ്റങ്ങള് ഈ അവസ്ഥയ്ക്ക് കാരണമാകാറുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates