രാവിലെ എട്ട് മണിക്ക് മുൻപ് പ്രഭാതഭക്ഷണവും രാത്രി ഏഴിന് മുൻപ് അത്താഴവും കഴിക്കുന്നത് ടൈപ്പ് 2 പ്രമേഹ സാധ്യത കുറയ്ക്കുമെന്ന് പഠനം. എന്ത് കഴിക്കുന്നു എന്നതുപോലെ തന്നെ എപ്പോൾ കഴിക്കുന്നു എന്നതും പ്രമേഹം അകറ്റിനിർത്താൻ‌ നിർണായകമാണെന്ന് ഗവേഷകർ പറഞ്ഞു. രാവിലെ ഒൻപത് മണിക്ക് ശേഷം പ്രഭാതഭക്ഷണം കഴിക്കുന്നവർക്ക് എട്ട് മണിക്ക് മുൻപ് കഴിക്കുന്നവരെ അപേക്ഷിച്ച് ടൈപ്പ് 2 പ്രമേഹം വരാനുള്ള സാധ്യത 59 ശതമാനം അധികമാണെന്നാണ് റിപ്പോർട്ടിൽ പറയുന്നത്. 

ഒരു ലക്ഷത്തിലധികം ആളുകളെ ഏഴ് വർഷത്തോളം നിരീക്ഷിച്ചാണ് പഠനം നടത്തിയത്. രാത്രി പത്ത് മണിക്ക് ശേഷം അത്താഴം കഴിക്കുന്നതും ടൈപ്പ് 2 പ്രമേഹ സാധ്യത വർധിപ്പിക്കാമെന്ന് പഠനത്തിൽ പറയുന്നു. ഫ്രാൻസിലെ ഐഎസ്ഗ്ലോബലിലെയും ഇൻസേമിലെയും ഗവേഷകർ ചേർന്നാണ് പഠനം നടത്തിയത്. 

പ്രഭാതഭക്ഷണം ഒഴിവാക്കുന്നത് ഗ്ലൂക്കോസ്, ലിപിഡ് തോതിനെയും ഇൻസുലിൻ തോതിനെയും ബാധിക്കുമെന്ന് ​ഗവേഷകർ. ഒറ്റയടിക്ക് ഭക്ഷണം കഴിക്കാതെ ഇടവേളകളെടുത്ത് ചെറിയ അളവിൽ കഴിക്കുന്നത് പ്രമേഹസാധ്യത കുറയ്ക്കുമെന്നും അവർ കൂട്ടിച്ചേർത്തു. 

ഈ വാര്‍ത്ത കൂടി വായിക്കൂ 

ഇന്ത്യയിൽ കാൻസർ‌ മരണം കൂടി; സ്ത്രീകളുടെ മരണനിരക്കിൽ വർദ്ധന, പുരുഷന്മാരുടെ എണ്ണം കുറഞ്ഞു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ