എന്തൊക്കെ ചെയ്താലും ചർമത്തിലെ കരിവാളിപ്പ് നീക്കുകയെന്നത് വലിയൊരു പ്രശ്നമാണ്. പലരും ടാൻ നീക്കാൻ വലിയ വിലകൂടിയ ഉൽപന്നങ്ങൾ വാരി പൂശാറുണ്ട്. എന്നാൽ ബ്യൂട്ടിപാർലറിൽ പോകാതെ തന്നെ വീട്ടിലെ ചില പൊടിക്കൈകൾ കൊണ്ട് ചർമത്തിലെ കരിവാളിപ്പ് മാറ്റിയെടുക്കാം.

തൈര് ഫേയ്സ് പാക്ക്

മുഖത്തെ കരുവാളിപ്പ്, മുഖക്കുരു, കണ്ണിന് ചുറ്റുമുള്ള കറുപ്പ് എന്നിവ മാറാൻ ഏറ്റവും മികച്ചതാണ് തെെര്. ആഴ്ചയിൽ രണ്ടോ മൂന്നോ തവണ തെെര് കൊണ്ടുള്ള പാക്കുകൾ പരീ​ക്ഷിക്കുന്നത് ​നല്ലതാണ്.

തൈരിൽ വിറ്റാമിൻ ഡി, പ്രോബയോട്ടിക്സ്, പ്രോട്ടീൻ, ധാതുക്കൾ എന്നിവ അടങ്ങിയിരിക്കുന്നു. ഇത് ചർമത്തിൻ്റെ ആരോഗ്യം മെച്ചപ്പെടുത്തുന്നതിന് അനുയോജ്യമാണ്. ഈ പോഷകങ്ങൾ ചർമത്തെ ജലാംശം നിലനിർത്തുകയും ആരോഗ്യം നിലനിർത്താൻ ആവശ്യമായ പോഷണം നൽകുകയും ചെയ്യുന്നു.

മുഖത്ത് തൈര് പതിവായി ഉപയോഗിക്കുന്നത് ചർമത്തിൻ്റെ നിറം വർധിപ്പിക്കുകയും ചർമത്തിന് തിളക്കം നൽകുകയും ചെയ്യുന്നു.

ചർമത്തിൻ്റെ കാന്തി വർധിപ്പിക്കാൻ തൈര് ഫേയ്സ് പാക്ക്

• ഒരു ടേബിൾ സ്പൂൺ കടല മാവ്, രണ്ട് ടേബിൾസ്പൂൺ തൈര് എന്നിവ യോജിപ്പിച്ച് പാക്ക് ഉണ്ടാക്കുക.

• ഈ പാക്ക് മുഖത്തും കഴുത്തിലുമായി പുരട്ടുക.

• ഉണങ്ങിയതിനു ശേഷം കഴുകിക്കളയുക. മുഖത്തെ കരുവാളിപ്പ് മാറാൻ ഈ പാക്ക് ഫലപ്രദമാണ്.

• ഒരു ടേബിൽ സ്പൂൺ തെെരും അൽപം കറ്റാർവാഴ ജെല്ലും നന്നായി യോജിപ്പിച്ച് മുഖത്തും കഴുത്തിലുമായി പുരട്ടുക.

• ഈ പാക്ക് മുഖത്തെ കറുപ്പകറ്റാൻ മികച്ച പാക്കാണ്. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്.

• മുഖത്ത് കറ്റാർവാഴ ഉപയോഗിക്കുന്നത് വരൾച്ച മൂലമുണ്ടാകുന്ന വീക്കവും ചുവപ്പും കുറയ്ക്കാനും കൊളാജൻ ഉത്പാദനം വേഗത്തിലാക്കാനും സഹായിക്കുന്നു.