പൊട്ടാസ്യം, മ​ഗ്നീഷ്യം, നാരുകൾ തുടങ്ങിയ അവശ്യ പോഷകങ്ങൾ അടങ്ങിയ വാഴപ്പഴം ഒരു ഇൻസ്റ്റന്റ് എനർജി ബൂസ്റ്റർ ആണ്. ദഹനം മെച്ചപ്പെടുത്താനും രോ​ഗപ്രതിരോധ ശേഷി വർധിപ്പിക്കാനുമൊക്കെ വാഴപ്പഴം നല്ലതാണ്. ഇത്രയൊക്കെ ​ഗുണങ്ങൾ ഉണ്ടെങ്കിലും വാഴപ്പഴത്തെ ചുറ്റിപ്പറ്റി ചില മിത്തുകളും നിലനിൽക്കുന്നുണ്ട്. വാഴപ്പഴം പനിയും ജലദോഷവും ഉണ്ടാക്കുമെന്നതാണ് ഇതിൽ പ്രധാനം.

രോ​ഗപ്രതിരോധ ശേഷി വർധിപ്പിക്കുന്നതിന് ധാരാളം പഴങ്ങൾ കഴിക്കണമെന്ന് ഡോക്ടർമാർ ഉപദേശിക്കാറുണ്ട്. എന്നാൽ ഈ കൂട്ടത്തില്‍ വാഴപ്പഴത്തെ അടുപ്പിക്കാൻ പലർക്കും പേടിയാണ്. വാഴപ്പഴം ആരോഗ്യത്തിന് ഏറെ ഗുണകരമാണ്. എന്നാല്‍ പനിയും ജലദോഷവും ഉള്ള സമയത്ത് വാഴപ്പഴം കഴിക്കുന്നത് കഫം കൂടാൻ കാരണമാകും. ഇതിന് വാഴപ്പഴത്തെ രോ​ഗകാരണമാക്കുന്ന രീതി ശരിയല്ലെന്നാണ് പോഷകവിദ​ഗ്ധയായ അമിത ​ഗാദ്രെ പറയുന്നത്.

നില്‍പ്പോ ഇരിപ്പോ ശരിയല്ലെങ്കില്‍ തലച്ചോര്‍ നശിക്കുമോ? വിശദീകരിച്ച് ആരോ​ഗ്യ വിദ​ഗ്ധർ

വൈറസ് മൂലമാണ് പനിയും ജലദോഷവും ഉണ്ടാകുന്നത്. നിങ്ങള്‍ക്ക് ജലദോഷം ഉള്ളപ്പോള്‍ പഴം കഴിക്കുന്നത് കഫം കൂടാന്‍ കാരണമായേക്കാം. എന്നാല്‍ രോഗകാരി പഴമല്ലെന്നും അമിത ഇൻസ്റ്റ​ഗ്രാമിൻ പങ്കുവെച്ച വിഡിയോയിൽ വിശദീകരിക്കുന്നു. ജലദോഷമുള്ളപ്പോൾ വെളുത്തുള്ളി, തുളസി, മഞ്ഞള്‍, ബദാം, നെല്ലിക്ക, നാരങ്ങ, മധുരക്കിഴങ്ങ് എന്നിവ കഴിക്കുന്നത് നല്ലതാണ് ഇവ ശരീരത്തെ ചൂടാക്കി നിര്‍ത്താന്‍ സഹായിക്കുമെന്നും അമിത പറയുന്നു.