മീൻ അടുക്കളയിലിരുന്ന് വെട്ടിയാലും മണം അങ്ങ് മുറി വരെ പരക്കും. എത്ര വൃത്തിയാക്കിയാലും മീൻ മണം അങ്ങനെ നിൽക്കും, ആ സമയത്താണ് അതിഥികളാരെങ്കിലും വരുന്നതെങ്കിൽ മുഴുവൻ ഇമേജും തകരും. എന്നാൽ ഇനി ടെൻഷൻ വേണ്ട, മീൻ മണം ഉടനടി മാറ്റാൻ ചില പൊടിക്കൈകൾ പ്രയോ​ഗിക്കാം.

• മീന്‍ വൃത്തിയാക്കിയ ശേഷം, സിങ്കും പാതകവും നാരങ്ങനീരും അതിന്‍റെ തോടും ഉപയോഗിച്ച് വൃത്തിയാക്കാം. ശേഷം കൈകളിലും നാരങ്ങനീര് ഉരച്ചു കഴുകുന്നത് മീന്‍ മണം ഒഴിവാക്കാന്‍ സഹായിക്കും.

• വൈറ്റ് വിനിഗറും തുല്യ അളവിൽ വെള്ളവുമെടുത്ത് കൈകള്‍ അതില്‍ മുക്കി നന്നായി കഴുകിയെടുക്കാം. ബേക്കിങ് സോഡ അല്പം വെള്ളത്തിലിട്ട് കുഴച്ചെടുക്കുക. അത് കൈയിൽ പുരട്ടി നന്നായി ഉരച്ചുകഴുകാം.

• ടൊമാറ്റോ കെച്ചപ്പ് അല്പം കൈയിലെടുത്ത് നന്നായി ഉരച്ചു കഴുകിയാലും മീന്‍ മണം അകറ്റാം.

• കാപ്പിപ്പൊടി കൈകളില്‍ ഉരച്ചു കഴുകുന്നതും മീന്‍ മണം മാറാന്‍ നല്ലതാണ്.

• കൈകള്‍ സോപ്പിട്ട് കഴുകിയ ശേഷം അല്പം ലാവണ്ടർ ഓയിൽ, ഒലീവ് ഓയിൽ, ടീ ട്രീ ഓയിൽ എന്നിവയിലേതെങ്കിലും കൈകളിൽ പുരട്ടാവുന്നതാണ്.

• കട്ടിങ് ബോർഡിലും മീന്‍ വെട്ടിയ കത്രികയിലും അല്പം കാപ്പിപ്പൊടി വിതറിയ ശേഷം നന്നായി ഉരച്ചു കഴുകിയെടുക്കുന്നത് മീന്‍ മണം നീക്കം ചെയ്യാന്‍ സഹായിക്കും.

• മീൻ വൃത്തിയാക്കിയശേഷം കത്തി, സിങ്ക്, പ്ലേറ്റ് എന്നിവയിലെ മണമകറ്റാന്‍ വിനാഗിരി ചേർത്ത വെള്ളം ഉപയോഗിക്കാം. കട്ടിങ് ബോർഡും കത്തിയും വൃത്തിയാക്കാൻ ചെറുനാരങ്ങാനീരും ഉപയോഗിക്കാവുന്നതാണ്.