രാവിലെ കണ്ണുതുറന്നാൽ ആദ്യം കൈയിലെത്തുന്നത് ഫോൺ. ഭക്ഷണം കഴിക്കുമ്പോഴും യാത്ര ചെയ്യുമ്പോഴും ജോലി ചെയ്യുമ്പോഴും ഉറങ്ങുന്നതിന് മുമ്പും ഫോൺ കൈവിടാത്തവരാണ് ഭൂരിഭാഗം ആളുകളും. എന്നാൽ ദിവസവും പലതവണ കൈകൊണ്ട് തൊടുന്ന ഫോണിന്റെ സ്ക്രീൻ അവസാനമായി എപ്പോഴാണ് വൃത്തിയാക്കിയതെന്ന് ഓ‍ർമയുണ്ടോ?

ആരോ​ഗ്യ വാർത്തകൾ കൂടുതൽ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

പുറമെ വൃത്തിയുള്ളതായി തോന്നാമെങ്കിലും ഫോൺ സ്ക്രീനിൽ എണ്ണ, വിയർപ്പ്, പൊടി, ഭക്ഷണത്തിന്റെ അവശിഷ്ടങ്ങൾ തുടങ്ങിയവ അടിഞ്ഞുകൂടാം. ഇവയ്ക്കൊപ്പം പലതരം സൂക്ഷ്മജീവികളും ഫോണിന്റെ ഉപരിതലത്തിൽ ഉണ്ടാകാം. വിവിധ പഠനങ്ങൾ മൊബൈൽ ഫോണുകളിൽ ബാക്ടീരിയ ഉൾപ്പെടെയുള്ള സൂക്ഷ്മജീവികളുടെ സാന്നിധ്യം കണ്ടെത്തിയിട്ടുണ്ട്. മൈക്രോഫൈബർ തുണി ഉപയോഗിച്ചും ആൽക്കഹോൾ അടങ്ങിയ ലെൻസ് വൈപ്പ് ഉപയോഗിച്ചും വൃത്തിയാക്കിയപ്പോൾ ബാക്ടീരിയയുടെ അളവ് ഗണ്യമായി കുറഞ്ഞതായും കണ്ടെത്തി.

ടോയിലറ്റ്, അടുക്കള, ആശുപത്രി പോലുള്ള ഉയർന്ന അണുബാധാ സാധ്യതയുള്ള ഇടങ്ങളിൽ ഉപയോഗിക്കുന്ന ഫോണുകളുടെ കാര്യത്തിൽ ശുചിത്വത്തിന് കൂടുതൽ പ്രാധാന്യമുണ്ട്. ആരോഗ്യപ്രവർത്തകരുടെ മൊബൈൽ ഫോണുകൾ രോഗാണുക്കളുടെ സാധ്യതയുള്ള ഉറവിടമാകാമെന്ന് വിവിധ പഠനങ്ങൾ വിലയിരുത്തിയിട്ടുണ്ട്.

ഫോൺ എത്ര ഇടവിട്ട് വൃത്തിയാക്കണം?

ദിവസവും നി‍ർബന്ധമായും ഫോൺ വൃത്തിയാക്കണമെന്ന രീതിയിലെങ്കിലും ഉപയോഗരീതി, പരിസരം, ഫോൺ പങ്കിടുന്നുണ്ടോ തുടങ്ങിയ കാര്യങ്ങൾ അനുസരിച്ചാണ് ഇക്കാര്യം തീരുമാനിക്കുന്നത്. എന്നാൽ ദിവസവും പലതവണ കൈകൊണ്ട് തൊടുന്ന ഉപകരണമെന്ന നിലയിൽ ഫോൺ പതിവായി വൃത്തിയാക്കുന്നത് നല്ല ശീലമാണ്.

ഫോൺ എങ്ങനെ സുരക്ഷിതമായി വൃത്തിയാക്കാം? പൊതുവായി ശ്രദ്ധിക്കേണ്ട കാര്യങ്ങൾ:

• വൃത്തിയാക്കുന്നതിന് മുമ്പ് ഫോൺ ഓഫ് ചെയ്യുന്നത് സുരക്ഷിതമാണ്.

• മൃദുവായ മൈക്രോഫൈബർ തുണി ഉപയോഗിക്കുക, പൊടി, വിരലടയാളം, എണ്ണ തുടങ്ങിയവ നീക്കം ചെയ്യാൻ ഇത് സഹായിക്കും.

• ദ്രാവകം നേരിട്ട് സ്ക്രീനിലോ പോർട്ടുകളിലോ സ്പീക്കറിലോ ഒഴിക്കരുത്.

• ഫോണിന്റെ മോഡലിന് അനുയോജ്യമായ ക്ലീനിങ് ഉൽപ്പന്നങ്ങൾ ഏതൊക്കെയാണെന്ന് നിർദേശത്തിൽ പരിശോധിക്കാം.

ഒഴിവാക്കേണ്ട കാര്യങ്ങൾ

• സ്ക്രീനിലേക്ക് നേരിട്ട് ക്ലീനർ സ്പ്രേ ചെയ്യരുത്

• അമിതമായി വെള്ളം ഉപയോഗിക്കരുത്

• കട്ടിയുള്ള തുണിയോ ടിഷ്യൂ പേപ്പറോ ഉപയോഗിച്ച് ശക്തമായി ഉരയ്ക്കരുത്

• നിർമ്മാതാവ് അനുവദിക്കുന്നില്ലെങ്കിൽ ശക്തമായ രാസവസ്തുക്കൾ ഉപയോഗിക്കരുത്

• ഫോൺ പോർട്ടുകളിലേക്ക് ദ്രാവകം കയറാൻ അനുവദിക്കരുത്

• വൃത്തിയാക്കാൻ മുമ്പ് ഉപയോഗിച്ച അഴുക്കുള്ള തുണി വീണ്ടും ഉപയോഗിക്കരുത്

• ഫോൺ വൃത്തിയാക്കുന്നതിനെക്കാൾ പ്രധാനപ്പെട്ട മറ്റൊരു കാര്യമുണ്ട്