പ്രസവാനന്തരം താന്‍ കടന്നു പോയത് കടുത്ത വിഷാദത്തിലൂടെയായിരുന്നുവെന്ന് തുറന്ന് പറഞ്ഞ് ബോളിവുഡി താരം മന്ദിര ബേദി. തനിക്ക് പോസ്റ്റ്പാര്‍ട്ടം ഡിപ്രഷനെ കുറിച്ച് ആരും പറഞ്ഞു തന്നിരുന്നില്ല. മകനെ പ്രസവിച്ച സമയത്ത് അവനോട് ഒരുതരത്തിലുള്ള മാനസിക അടുപ്പവും തോന്നിയിരുന്നില്ലെന്നും താരം പറഞ്ഞു.

മാതൃത്വത്തെ കുറിച്ച് കാല്‍പനികവല്‍ക്കരിക്കുന്ന രീതിയാണ് കൂടുതല്‍ എന്നാല്‍ അതുമായി ബന്ധപ്പെട്ട ദുരിതങ്ങളെ കുറിച്ച് അധികമാരും പറയാറില്ല. പ്രസവശേഷം വീട്ടില്‍ എത്തിയതു മുതല്‍ താന്‍ കരയുകയാണുണ്ടായത്. ഹോര്‍മോണ്‍ അസന്തുലിതാവസ്ഥയാണ് മൂലമാണ് ഇതെന്നാണ് ഡോക്ടര്‍മാര്‍ പറഞ്ഞത്. സമയമെടുത്താണ് മകനുമായി ആത്മബന്ധം ഉണ്ടായതെന്നും മന്ദിര തുറന്നു പറഞ്ഞു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പോസ്റ്റ്പാർട്ടത്തിലൂടെ കടന്നുപോയ കാലത്ത് ഭർത്താവ് നൽകിയ പിന്തുണ വാക്കുക്കൾക്കതീതമാണെന്നും മന്ദിര പറഞ്ഞു. പ്രസവശേഷം വണ്ണംവച്ചതും നെ​ഗറ്റീവ് ചിന്തകൾ വർധിപ്പിച്ച് വിഷാദത്തിലേക്ക് വഴിവച്ചുവെന്നും താരം പറയുന്നു. പ്രസവം കഴിഞ്ഞ് 40 ദിവസം കഴിഞ്ഞതോടെ വ്യായാമം ആരംഭിക്കുകയും ചെയ്തു. ഇത് തന്റെ മാനസികസമ്മർദങ്ങളെ അതിജീവിക്കാൻ സഹായിച്ചു. 2011-ൽ മകന്റെ ജനനത്തിനു പിന്നാലെ മന്ദിരയും ഭർത്താവ് രാജ് കൗശലും 2020-ൽ ഒരു പെൺകുഞ്ഞിനെ ദത്തെടുത്തു.