പതിനേഴു വര്‍ഷത്തെ ഇടവേളക്ക് ശേഷം മാനുഷി ഛില്ലര്‍ എന്ന യുവതി ഇന്ത്യയിലേക്ക് ലോകസുന്ദരിപ്പട്ടം കൊണ്ടുവന്നിരിക്കുകയാണ്. സൗന്ദര്യത്തിനും പഠനത്തിനുമപ്പുറം മറ്റു ചില മേഖലകളില്‍ക്കൂടി മാനുഷി മിടുക്കിയാണ്. നൃത്തം, കായികം, സാമൂഹിക സേവനം തുടങ്ങി ഒട്ടേറെ രംഗങ്ങളില്‍ മികവു പ്രകടിപ്പിച്ചിട്ടുണ്ട് ഈ ഇരുപതുകാരി.
സ്ത്രീകളുടെ ആര്‍ത്തവ പരിപാലനത്തിന്റെ ഭാഗമായി സര്‍ക്കാര്‍ നടത്തുന്ന ബേട്ടി ബച്ചാവോ, ബേട്ടി പഠാവോ എന്ന കാംപെയ്‌ന്റെ ഭാഗമായിട്ടുള്ള മാനുഷി ഇന്ത്യയിലെ ഗ്രാമങ്ങളിലൂടെ സഞ്ചരിച്ച് അയ്യായിരത്തോളം സ്ത്രീകളോട് സംവദിച്ചിട്ടുണ്ട്. ഹരിയാന സ്വദേശിയായ മാനുഷി മെഡിക്കല്‍ വിദ്യാര്‍ഥിയാണ്. മത്സരത്തില്‍ 'ബ്യൂട്ടി വിത്ത് എ പര്‍പ്പസ്' ടൈറ്റിലും മാനുഷി സ്വന്തമാക്കിയിരുന്നു.
108 രാജ്യങ്ങളില്‍ നിന്നുള്ള സുന്ദരിമാരെ തോല്‍പ്പിച്ചാണ് പതിനേഴു വര്‍ഷത്തിനു ശേഷം മാനുഷി ഇന്ത്യയിലേക്ക് ലോകസുന്ദരിപ്പട്ടം തിരികെയെത്തിച്ചത്. മറ്റുള്ളവര്‍ക്ക് പ്രചോദനം കൂടിയാകുന്ന ഈ സൗന്ദര്യത്തിന്റെ രഹസ്യമെന്താണെന്ന് ചോദിക്കുമ്പോള്‍ മികച്ച ശിഷ്യത്വവും അച്ചടക്കവുമാണ് അതിന് കാരണമെന്നാണ് ഈ സുന്ദരി പറയുന്നത്.
എഫ്‌ഐടിപിഎഎസ്എസ് സഹ ഉടമ ആരുഷി വെര്‍മയും സെലിബ്രിറ്റി ന്യൂട്രിഷനിസ്റ്റ് നമാമി അഗര്‍വാളുമാണ് മാനുഷിയുടെ ഫിറ്റ്‌നസ് ഗുരുക്കന്‍മാര്‍. നമ്മുടെ ഈ പുതിയ ലോകസുന്ദരി സമര്‍പ്പണത്തോടെ ചെയ്ത് പോകുന്ന ചില ഫിറ്റ്‌നസ് തന്ത്രങ്ങള്‍ നമാമി അഗര്‍വാള്‍ വെളിപ്പെടുത്തിയിരിക്കുകയാണ്. അവ എന്തൊക്കെയാണെന്ന് നോക്കാം...
ഇതുകൂടാതെ യാത്രയില്‍ പോലും വ്യായാമവും യോഗയും മുടക്കാതിരിക്കാന്‍ കൂടി മാനുഷി ശ്രദ്ധിക്കാറുണ്ട്. ഒരിക്കലും പ്രഭാതഭക്ഷണം മുടക്കാറില്ല. ശരീരത്തിന് ദോഷകരമായ ആഹാരങ്ങളൊന്നും കഴിക്കാറില്ല. പഞ്ചസാര പരമാവധി ഒഴിവാക്കും. ജിമ്മിന്റെ സഹായമില്ലാതെ തന്നെ ശരീരത്തിന് വഴക്കം കിട്ടാനുള്ള വ്യായാമം ചെയ്യും. കൂടാതെ വെറുതെ ഓടുകയോ നൃത്തം ചെയ്യുകയോ ചെയ്യും. ഇത് മനസിനെ സന്തോഷകരമാക്കാനും ശരീരം ഫിറ്റ് ആക്കാനും സഹായിക്കും. മാനുഷിയുടെ ഇ ഹെല്‍ത്ത് ടിപ്‌സ് എല്ലാവര്‍ക്കും ഉപയോഗിക്കാമെന്നുകൂടി വിദഗ്ദര്‍ പറയുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates