അമ്മയ്ക്ക് തന്‍കുഞ്ഞ് പൊന്‍കുഞ്ഞാണ്. അത് ഏതൊരു ജീവിക്കായാലും. കനത്ത മഴയില്‍ വെള്ളം കുതിച്ചുയര്‍ന്ന് , മാളം വെള്ളത്തിൽ മുങ്ങിയതോടെ നവജാത ശിശുക്കളായ കുഞ്ഞുങ്ങളെ സുരക്ഷിത സ്ഥാനത്തേക്ക് എടുത്തു മാറ്റുന്ന അമ്മ എലിയുടെ വീഡിയോ സമൂഹമാധ്യമങ്ങളില്‍ ശ്രദ്ധേയമാകുന്നു. 

മാളത്തില്‍ വെള്ളം നിറഞ്ഞ് പൊന്തു വരുമ്പോഴും അതൊന്നും വകവെക്കാതെ പടികള്‍ക്കിടയിലെ മാളത്തിലേക്ക് നുഴഞ്ഞുകയറി കുഞ്ഞുങ്ങളെ കടിച്ചെടുത്ത് സുരക്ഷിതമായ സ്ഥലത്ത് കൊണ്ടിടുന്ന ദൃശ്യങ്ങളാണ് വീഡിയോയിലുള്ളത്.