കുട്ടികളെപ്പോലെ നിഷ്‌കളങ്കരാകാന്‍ കഴിഞ്ഞിരുന്നെങ്കില്‍ എന്ന് ആഗ്രഹിക്കുന്നവരാണ് മുതിര്‍ന്നവരില്‍ പലരും. അത്രമാത്രം അമ്പരപ്പിക്കുന്നതാണ് കുട്ടികളുടെ ചിന്തകളും പ്രവര്‍ത്തികളുമെല്ലാം. ഇത്തരത്തിലൊരു വിഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. വഴിയരികില്‍ കണ്ട വൃദ്ധന് വെള്ളം നല്‍കുന്നതാണ് വിഡിയോയിലെ കാഴ്ച്ച. 

ഗുഡ്‌ന്യൂസ് മൂവ്‌മെന്റ് എന്ന ഇന്‍സ്റ്റഗ്രാം അക്കൗണ്ടിലാണ് വിഡിയ പങ്കുവച്ചിരിക്കുന്നത്. റോഡരികില്‍ അവശനായി ഇരിക്കുന്ന വൃദ്ധന്‍ വെള്ളം കുടിക്കാന്‍ ബുദ്ധിമുട്ടുന്നത് കണ്ട് വെള്ളം പിടിച്ചുകൊടുക്കുകയാണ് കൊച്ചുമിടുക്കി. ഒരു കൈ കൊണ്ട് വെള്ളം കുപ്പി പിടിക്കുകയും മറുകൈ കൊണ്ട് വൃദ്ധനെ താങ്ങിപ്പിടിച്ചിരിക്കുകയുമാണ് കുട്ടി. കുട്ടിയുടെ അച്ഛന്‍ വന്ന് മകളെ എടുത്തുകൊണ്ട് പോകുന്നതും വിഡിയോയില്‍ കാണാം. 

കുട്ടികള്‍ക്ക് മനുഷ്യരെ തിരിച്ചറിയാന്‍ കഴിയും, കുട്ടികള്‍ എല്ലാ മനുഷ്യരെയും ഒരുപോലെയാണ് കാണുന്നത് എന്നെല്ലാമാണ് കമന്റുകള്‍. അച്ഛന്‍ വന്ന് വിളിക്കുമ്പോള്‍ വെള്ളം കുപ്പിയുടെ അടപ്പ് ശ്രദ്ധയോടെ അടച്ച് വൃദ്ധന്റെ മുന്നില്‍ വച്ചിട്ടാണ് ആ കുഞ്ഞ് മടങ്ങിയത്.

ഈ വാര്‍ത്ത കൂടി വായിക്കൂ 

'ഭക്ഷണം കഴിക്കുന്നത് പോലും വെറുത്തു പോയി', മണം തിരിച്ചറിയുന്നത് രണ്ട് വർഷത്തിന് ശേഷം; വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ