വന്യമൃഗങ്ങളുമായി ബന്ധപ്പെട്ട് നിരവധി വിഡിയോകളാണ് ഓരോ ദിവസവും പുറത്തുവരുന്നത്. ചിലത് കൗതുകം ജനിപ്പിക്കുമ്പോള്‍ ഒട്ടുമിക്കതും ഭയം ഉളവാക്കുന്നതാണ്. ഇപ്പോള്‍ വീട്ടിലെത്തിയ പുലിയെ കുരച്ച് ഓടിക്കുന്ന വളര്‍ത്തുനായയുടെ ദൃശ്യങ്ങളാണ് വൈറലാകുന്നത്.

സുശാന്ത നന്ദ ഐഎഫ്എസ് ആണ് വിഡിയോ പങ്കുവെച്ചിരിക്കുന്നത്. രാത്രിയാണ് സംഭവം. ഇര തേടി വീടിന്റെ മുന്‍വശത്തേയ്ക്ക് പുലി പതുങ്ങി വരുന്നതാണ് വിഡിയോയുടെ തുടക്കത്തില്‍. വീടിന്റെ മുന്‍പില്‍ എത്തിയ ശേഷം പടികള്‍ കയറി അകത്തേയ്ക്ക് കയറാന്‍ ലക്ഷ്യമിട്ട് നീങ്ങുന്നതിനിടെയാണ് അപ്രതീക്ഷിതമായി വളര്‍ത്തുനായ രംഗപ്രവേശം ചെയ്യുന്നത്.

'നിർത്തടാ.., എനിക്ക് ദേഷ്യം വരുന്നു!' ഉച്ചത്തിൽ ഹോണടിച്ചാൽ പക്ഷികൾ ചൂടാകും

പുലിയെ കണ്ടതോടെ പട്ടി നിര്‍ത്താതെ കുരയ്ക്കാന്‍ തുടങ്ങി. പട്ടിയുടെ കുര കേട്ട് ഭയന്ന് വിറച്ച് പുലി സ്ഥലത്ത് നിന്ന് ഓടി മറയുന്നതാണ് വിഡിയോയുടെ അവസാനം.