സമൂസ കഴിക്കാനുള്ള ആഗ്രഹത്തെ തുടര്ന്ന് ഓണ്ലൈന് വഴി ഓര്ഡര് ചെയ്യുമ്പോള് നിതിന് മിശ്ര ഇത്രയൊന്നും പ്രതീക്ഷിച്ചിരുന്നില്ല. സമൂസ പാര്ട്ടി എന്ന സ്റ്റാര്ട്ട്അപ് കമ്പനി വഴിയാണ് നിതിന് സമൂസയ്ക്ക് ഓര്ഡര് നല്കിയത്.
കൈയില് കിട്ടിയ സമൂസ കണ്ടപ്പോള് അതിലൊരു കൗതുകം തോന്നി. ഉടനെ ചിത്രമെടുത്ത് ട്വിറ്ററില് ഇട്ടു. താന് ഓര്ഡര് ചെയ്ത സമൂസയ്ക്ക് സീരിയല് നമ്പറുണ്ടായിരുന്നു എന്ന കൗതുകമാണ് നിതിനെ ചിത്രം എടുത്ത് ട്വിറ്ററില് പോസ്റ്റ് ചെയ്യാന് പ്രേരിപ്പിച്ച ഘടകം.
ചിത്രം പക്ഷേ വളരെ പെട്ടെന്ന് തന്നെ ഹിറ്റായി മാറി. സീരിയല് നമ്പറുള്ള സമൂസ ആദ്യമായാണ് പലരും കണ്ടത്.
ചിത്രങ്ങള് വൈറലായതോടെ നിതിന് അല്പ്പം തലവേദനയും ഉണ്ടായി. സീരിയല് നമ്പറുള്ള സമൂസ തങ്ങള്ക്കും വേണമെന്ന് ആവശ്യപ്പെട്ട് പലരും നിതിന് സന്ദേശങ്ങള് അയച്ചു. അതോടെ രണ്ടാമതൊരു ട്വീറ്റുമായി നിതിന് രംഗത്തെത്തി. താന് ഓര്ഡര് ചെയ്ത സമൂസ പാര്ട്ടി എന്ന സ്റ്റാര്ട്ട്അപ് വഴി ഓര്ഡര് നല്കണമെന്ന് ആവശ്യപ്പെട്ട് അദ്ദേഹം വീണ്ടും രംഗത്തെത്തുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates