വാഷിങ്‌ടൺ: പലപ്പോഴും മൃ​ഗങ്ങളുടെ കരച്ചിൽ കേട്ടാൽ മനുഷ്യനാണെന്ന് തെറ്റുദ്ധരിച്ചു പോകും. കരച്ചിൽ കേട്ട് ഓടിയെത്തുമ്പോഴാകും മനുഷ്യനല്ലെന്ന് മനസിലാകുന്നത്. അത്തരത്തിൽ രണ്ട് പൊലീസ് ഉദ്യോ​ഗസ്ഥർക്ക് സംഭവിച്ച  ഒരു അമളി സോഷ്യൽ മീഡിയയിലൂടെ പങ്കുവെച്ചിരിക്കുകയാണ് ഇനിഡ് പൊലീസ്. 

സഹായം അഭ്യർഥിച്ച് ആരോ നിലവിളക്കുന്നത് കേട്ട് ഓടിയെത്തിയ ഇനിഡ് പൊലീസ് ഉ​ദ്യോ​ഗസ്ഥരായ ദേവിഡ് സ്നീഡും നീൽ സ്റ്റോയിയും അവിടെ ചെന്നപ്പോഴാണ് രസകരമായ കാര്യം തിരിച്ചറിഞ്ഞത്. കരഞ്ഞത് മനുഷ്യനല്ല ആടാണെന്ന്. കൂട്ടായിയെ പിരിഞ്ഞതിലുള്ള സങ്കടത്തിൽ നിലവിളിക്കുകയായിരുന്നു ആട്. അമേരിക്കയിലെ ഒക്ലഹോമയിലാണ് രസകരമായ ഈ സംഭവമുണ്ടായത്. 

സാധാരണ റൗൺസിന് ഇറങ്ങിയതായിരുന്നു ഉദ്യോ​ഗസ്ഥർ അപ്പോഴാണ് ഫാമിന്റെ ഭാ​ഗത്ത് നിന്നും ആരോ ഉച്ചത്തിൽ സഹായം അഭ്യർഥിച്ച് നിലവിളിക്കുന്നത് കേട്ടത്. എന്തോ അത്യഹിതം സംഭവിച്ചിട്ടുണ്ടാകുമെന്ന് തോന്നി ശബ്‌ദം കേട്ട ഭാ​ഗത്തേക്ക് ഉദ്യോ​ഗസ്ഥർ ഓടി. സംഭവത്തിന്റെ ദൃശ്യങ്ങൾ ഉദ്യോ​ഗസ്ഥരുടെ ബോഡികാമറയിൽ പതിഞ്ഞിരുന്നു. ഈ ദൃശ്യമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.

'ഇന്നലെ ആരോ നിലവിളിക്കുന്നത് പോലുള്ള ശബ്‌ദം കേട്ടിട്ടാണ് രക്ഷിക്കാൻ ഞങ്ങൾ ഇരുവരും കരച്ചിൽ കേട്ട ഭാ​ഗത്തേക്ക് പോയത്. 
അവിടെ ചെന്നപ്പോൾ മനുഷ്യനല്ല ആടാണെന്ന് മനസിലായി. ഫാമിലെ കർഷകനോട് ചോദിച്ചപ്പോഴാണ് കൂടെയുണ്ടായിരുന്ന ആടിനെ മാറ്റി കെട്ടിയതിലുള്ള സങ്കടത്തിലാണ് അത് കരഞ്ഞതെന്ന് മനസിലായത്'. വിഡിയോ പങ്കുവെച്ചുകൊണ്ട് ഉദ്യോ​ഗസ്ഥർ പറഞ്ഞു. ഇനിഡ് പൊലീസിന്റെ ഫെയ്‌സ്‌ബുക്ക് പേജിലൂടെയാണ് വിഡിയോ പുറത്തു വിട്ടത്. പൊലീസ് ഉദ്യോഗസ്ഥരുടെ ഇടപെടലിനെ പ്രശംസിച്ച് നിരവധി ആളുകൾ രം​ഗത്തെത്തി.  

ഈ വാര്‍ത്ത കൂടി വായിക്കൂ 

ചൂടിക്കട്ടിലിന്  1,44,494 രൂപ!; അമേരിക്കയിലെ വില കേട്ടു ഞെട്ടി ഇന്ത്യക്കാര്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ