അനിയന് പുത്തന്‍ ഷൂ വാങ്ങക്കൊടുത്ത് സര്‍പ്രൈസ് നല്‍കുന്ന ചേട്ടന്റെ വിഡിയോയാണ് സോഷ്യല്‍ മീഡിയയില്‍ വൈറലാകുന്നത്. തന്റെ ആദ്യ ശമ്പളം ഉപയോഗിച്ച് വാങ്ങിയതാണ് ഈ സ്‌നേഹസമ്മാനം. ഒരു വൈകാരിക സര്‍പ്രൈസ് എന്ന് കുറിച്ചാണ് വിഡിയോ പങ്കുവച്ചിരിക്കുന്നത്. 

ചേട്ടന്‍ മുറിയിലേക്ക് പ്രവേശിക്കുമ്പോള്‍ അനിയന്‍ നല്ല ഉറക്കത്തിലായിരുന്നു. ഷൂവിന്റെ ബോക്‌സ് കട്ടിലില്‍ വച്ചശേഷം ചേട്ടന്‍ അനിയനെ വിളിച്ചെഴുന്നേല്‍പ്പിച്ചു. ഉറക്കമെഴുന്നേറ്റ് പെട്ടി തുറന്നുനോക്കിയ അനിയന്റെ മുഖത്ത് ഞൊടിയിടയിലാണ് ചിരി വിടര്‍ന്നത്. ഷൂ കണ്ടതും അനിയന് കണ്ണ് നിറഞ്ഞു. കട്ടിലില്‍ നിന്ന് ചാടി ചേട്ടനെ കെട്ടിപ്പിടിച്ചശേഷം വീണ്ടു ഷൂവിന്റെ അരികിലേക്ക് പോകുന്നതും വിഡിയോയില്‍ കാണാം. 

ആദ്യമായി കിട്ടിയ ജോലിയുടെ ആദ്യ ശമ്പളം ഉപയോഗിച്ച് അനിയന് ചേട്ടന്‍ വാങ്ങിക്കൊടുത്ത സമ്മാനം എന്നാണ് വിഡിയോയ്ക്ക് നല്‍കിയിരിക്കുന്ന ക്യാപ്ഷന്‍. വിഡിയോ കണ്ട് നിരവധിപ്പേരാണ് കമന്റുകള്‍ കുറിക്കുന്നത്. ഭാവിയില്‍ അവന്‍ കൂടുതല്‍ പണമുണ്ടാക്കുമെന്നാണ് പലരും കുറിച്ചിരിക്കുന്നത്. ആദ്യത്തെ ശമ്പളം ഏറ്റവും അടുപ്പമുള്ള ആള്‍ക്കായി ചിലവഴിക്കുന്നതിന്റെ ഓര്‍മ്മകളും ചിലര്‍ കമന്റ് ബോക്‌സില്‍ പങ്കുവച്ചിട്ടുണ്ട്. 

ഈ വാര്‍ത്ത കൂടി വായിക്കൂ 

അച്ഛന്‍ വരുന്നുണ്ട്, ടിവി ഓഫാക്ക്!; കുട്ടിക്കുറുമ്പിക്ക് സിഗ്നല്‍ കൊടുത്ത് വളര്‍ത്തുനായ; ക്യൂട്ട് വിഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ