അഞ്ച് വർഷത്തിന് ശേഷം മടങ്ങിയെത്തുന്ന കാമുകന് എയർപോർട്ടിൽ  സർപ്രൈസ് ഒരുക്കി കാമുകി. കാനഡയിലെ എയർപോർട്ടിൽ ഡാൻസ് ചെയ്താണ് യുവതി കാമുകനെ സ്വീകരിക്കുന്നത്. വിഡിയോ ചുരുങ്ങിയ സമയം കൊണ്ട് ലക്ഷകണക്കിന് ആളുകളാണ് കണ്ടത്. സുഹൃത്തുക്കൾ യുവാവിന് പൂക്കൾ സമ്മാനിച്ച് വിമാനത്താവളത്തിൽ നിന്നും പുറത്തേക്ക് കൊണ്ടു വരുന്നതു മുതലാണ് വിഡിയോ ആരംഭിക്കുന്നത്.

യുവാവ് ഇടയ്‌ക്ക് കാമുകിയെ തിരയുന്നുണ്ടെങ്കിലും കാണുന്നില്ല. ഒടുവിൽ ബോളിവുഡ് ഗാനത്തിന്റെ അകമ്പടിയോടെ നൃത്തം ചെയ്താണ് യുവതി കാമുകനെ സ്വീകരിച്ചത്. സർപ്രൈസ് ആയ യുവാവ് കാമുകിയെ കെട്ടിപ്പിടിക്കുന്നതും വിഡിയോയിൽ കാണാം. 

ടൊറന്റോയിലെ വിഡിയോ ക്രിയേറ്റർ കൂടിയായ നിക്കി ഷാ എന്ന യുവതിയാണ് കാമുകന് ഇത്തരത്തിൽ സർപ്രൈസ് നൽകിയത്. അവരുടെ തന്നെ ഇൻസ്റ്റഗ്രമിൽ പങ്കുവെച്ച വിഡിയോ സോഷ്യൽമീഡിയ ഏറ്റെടുത്തു. ലോങ് ഡിസ്റ്റൻസ് റിലേഷൻഷിപ്പുകളും സാധാരണ പ്രണയം പോലെ തന്നെയാണ്. അത് ഞാൻ നിങ്ങൾക്ക് തെളിയിച്ചു തരാം എന്ന കുറിപ്പോടെയാണ് നിക്കി വിഡിയോ പങ്കുവെച്ചത്. മൂന്ന് മില്യണിലധികം ആളുകളാണ് ഇതുവരെ വിഡിയോ കണ്ടത്. ഒന്നര ലക്ഷത്തിലധികം ആളുകൾ വിഡിയോയ്ക്ക് ലൈക്ക് ചെയ്തു.

ഈ വാർത്ത കൂടി വായിക്കൂ 

പൂർണവൃത്തത്തിൽ മഴവില്ല്; അപൂർവ കാഴ്‌ചയെന്ന് സോഷ്യൽമീഡിയ, വൈറൽ ചിത്രം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ