കൂട്ടുകാര്‍ക്കൊപ്പം കളിച്ചുനടന്നതോ, അമ്മയുടെ കൈപിടിച്ചു നടന്നതോ, ഉരുണ്ടുവീണ് മുറിവുണ്ടായതോ ഒക്കെയാണ് നിങ്ങള്‍ ജീവിതത്തിലെ ആദ്യ സംഭവമെന്ന് ഓര്‍ത്തെടുക്കുന്നതെങ്കില്‍ ഇതൊന്നും സത്യമല്ലെന്ന് പറയുകയാണ് പുതിയ പഠനം. ഓര്‍മകള്‍ എന്ന് കരുതി നിങ്ങള്‍ വിശ്വസിച്ചിരിക്കുന്ന ഈ കാര്യങ്ങള്‍ യഥാര്‍ത്ഥത്തില്‍ സംഭവിച്ചുട്ടുപോലും ഉണ്ടാകില്ലെന്ന് പഠനം പറയുന്നു.

ഇത്തരത്തിലുള്ള 40ശതമാനം ഓര്‍മകളും നിങ്ങള്‍ കണ്ട സിനിമകളോ വായിച്ച കഥകളോ ചെറുപ്പത്തിലെ ഫോട്ടോകളോ നിങ്ങളുടെ മനസില്‍ പതിപ്പിച്ചവയാകാമെന്നാണ് ഗവേഷകര്‍ പറയുന്നത്. സൈകോളജിക്കല്‍ സയന്‍സ് എന്ന ജേണലില്‍ പ്രസിദ്ധീകരിച്ച പഠനത്തിലാണ് ഈ പുതിയ കണ്ടെത്തല്‍.

6,641 ആളുകളില്‍ നടത്തിയ സര്‍വെയുടെ അടിസ്ഥാനത്തിലാണ് പഠനത്തിലെ കണ്ടെത്തല്‍. 3.5-4 വയസിന് മുമ്പുനടന്ന കാര്യങ്ങള്‍ ഓര്‍ത്തിരിക്കാന്‍ മനുഷ്യ തലച്ചോറിന് കഴിയില്ലെന്ന് ഗവേഷകര്‍ പറയുന്നു. 5 മുതല്‍ 6 വയസിനിടയിലാണ് ജീവിതത്തില്‍ സംഭവിക്കുന്ന കാര്യങ്ങള്‍ ഓര്‍മയില്‍ സൂക്ഷിക്കത്തക നിലയില്‍ തലച്ചോര്‍ വികസിക്കുകയൊള്ളുയെന്നും പഠനത്തില്‍ വിശദീകരിക്കുന്നു. നാലുവയസിന് മുമ്പുള്ള കാര്യങ്ങള്‍ ഓര്‍ക്കുന്നുണ്ടെന്ന് അവകാശപ്പെടുന്നവര്‍ 'ഫിക്ഷണല്‍ മെമ്മറീസ്' ആണ് ഓര്‍ത്തെടുക്കുന്നതെന്ന് ഗവേഷകര്‍ കൂട്ടിച്ചേര്‍ക്കുന്നു.