റോഡ് സുരക്ഷ നിയമങ്ങൾ എത്രതന്നെ കർശനമാക്കിയാലും അവ പാലിക്കാൻ ബുദ്ധിമുട്ടുള്ളവരാണ് ഏറെയും. ഹെൽമെറ്റ് വയ്കാതെയും സീറ്റ് ബൽറ്റ് ഇടാതെയും വാഹനങ്ങളിൽ യാത്രച്ചെയ്യുന്നവർ നമ്മുടെ നിരത്തുകളിലെ പതിവ് കാഴ്ചയാണ്. ഇത്തരക്കാർക്ക് മാതൃകയാണ് ഇരുചക്രവാഹനത്തിനു പിന്നിൽ ഹെൽമററ് ധരിച്ച് യാത്രചെയ്ത ഒരു നായ.

ഹെൽമറ്റ് ധരിച്ച് വളരെ കൂളായി നഗരത്തിരക്കുകളൊക്കെ ആസ്വദിച്ചു യാത്ര ചെയ്യുന്ന നായയെയാണ് ചിത്രത്തിൽ കാണാൻ കഴിയുന്നത്. ഡൽഹി നഗരത്തിലെ തിരക്കേറിയ റോ‍ഡിലൂടെയാണ് നായയുടെയും ഉടമയുടെയും കിടിലൻ യാത്ര.ട്വിറ്ററിൽ വൈറലായ ഈ ചിത്രം ആരാണ് പകർത്തിയതെന്ന് വ്യക്തമല്ല. പിൻസീറ്റിലുള്ളവർക്കും ഹെൽമറ്റ് നിർബന്ധമാക്കിയതിനാലാകാം ഇത്തരത്തിലൊരു യാത്ര.