വിവാഹ വിരുന്നില്‍ വരന് കിട്ടിയത് അമ്പരപ്പിക്കുന്ന സമ്മാനം. പതിവ് സമ്മാനങ്ങള്‍ക്കെല്ലാം പകരം കിട്ടിയത് ഒരു തോക്കാണ്. അതും എകെ 47!

പാകിസ്ഥാനിലാണ് ഈ അപൂര്‍വ സംഭവം നടന്നത്. ഇതിന്റെ വീഡിയോ സാമൂഹിക മാധ്യമങ്ങളില്‍ വൈറലായി മാറുകയും ചെയ്തു. വധുവിന്റെ അമ്മ തന്നെയാണ് മരുമകന് തോക്ക് സമ്മാനിച്ചത്. 

വിവാഹ വിരുന്നില്‍ ഇരിക്കുകയായിരുന്ന വരന്റെയും വധുവിന്റേയും അടുത്തേക്ക് ഒരു സ്ത്രീ വരുന്നു. നവദമ്പതികളെ ആഭിവാദ്യം ചെയ്ത ശേഷം ഇവര്‍ ഇവര്‍ ഒരു എകെ 47 തോക്ക് സമ്മാനമായി നല്‍കുന്നതുമാണ് വീഡിയോ. ഇവര്‍ തോക്ക് വരന് കൈമാറുമ്പോള്‍ ചുറ്റുമുള്ളവര്‍ ആരവം മുഴക്കുന്നതും വീഡിയോയില്‍ കേള്‍ക്കാം. 

വിഡീയോ വൈറലായി മാറിയതോടെ വിമര്‍ശിച്ചും അനുകൂലിച്ചും പലരും കമന്റുമായി എത്തി.