Shameer 
Alappuzha

ചേർത്തല പൂച്ചാക്കലിൽ വൻ കഞ്ചാവ് വേട്ട; കാറിൽ കടത്തുകയായിരുന്ന 11.6 കിലോ കഞ്ചാവുമായി യൂത്ത് കോൺഗ്രസ് നേതാവടക്കം അഞ്ചുപേർ അറസ്റ്റിൽ

മുഖ്യമന്ത്രി വിഡി സതീശനുമായും രാഹുൽ മാങ്കൂട്ടത്തിലുമായും അടുത്ത ബന്ധമുള്ള യൂത്ത് കോൺഗ്രസ് നേതാവാണ് പിടിയിലായ ഷമീർ

Author : സമകാലിക മലയാളം ഡെസ്ക്
Edited By : Damodaran K

ആലപ്പുഴ: ചേർത്തല പൂച്ചാക്കലിൽ കാറിൽ കടത്തുകയായിരുന്ന 11.6 കിലോ കഞ്ചാവ് പിടികൂടി. സംഭവവുമായി ബന്ധപ്പെട്ട് യൂത്ത് കോൺഗ്രസ് നേതാവും കോൺഗ്രസ് മണ്ഡലം ഭാരവാഹിയുമായ ഷമീർ ഉൾപ്പെടെ അഞ്ചുപേരെ പൊലീസ് അറസ്റ്റ് ചെയ്തു. ശനിയാഴ്ച രാത്രി 10.50-ഓടെ പൂച്ചാക്കൽ പൊലീസ് സ്റ്റേഷൻ പരിധിയിലെ മാക്കേ കവലയിലായിരുന്നു സംഭവം.

ജില്ലാ ഡാൻസാഫ് ടീമും പൂച്ചാക്കൽ പൊലീസും സംയുക്തമായി നടത്തിയ വാഹന പരിശോധനയ്ക്കിടെയാണ് കാറിൽ ഒളിപ്പിച്ചു കടത്തുകയായിരുന്ന കഞ്ചാവ് കണ്ടെത്തിയത്. തുടർന്ന് വാഹനത്തിലുണ്ടായിരുന്ന അഞ്ചുപേരെയും പൊലീസ് സംഘം കസ്റ്റഡിയിലെടുത്ത് അറസ്റ്റ് രേഖപ്പെടുത്തുകയായിരുന്നു. മാനപ്പുറം സ്വദേശിയും യൂത്ത് കോൺഗ്രസ് നേതാവുമായ ഷമീർ (38), മാനപ്പുറം സ്വദേശികളായ അലി ജുവ്ഹർ (24), കൃഷ്ണകുമാർ (23), പൂച്ചാക്കൽ സ്വദേശികളായ സലാഹുദ്ദീൻ അയ്യൂബ് (24), മുഹമ്മദ് അസ്ലം (23) എന്നിവരാണ് പിടിയിലായത്. സംഭവത്തിൽ പൂച്ചാക്കൽ പൊലീസ് എൻഡിപിഎസ് ആക്ട് പ്രകാരം കേസ് രജിസ്റ്റർ ചെയ്ത് വിശദമായ അന്വേഷണം ആരംഭിച്ചു.

ഡെപ്യൂട്ടി സ്പീക്കർ ഷമീർ ഷാനിമോൾ ഉസ്മാന്റെ തെരഞ്ഞെടുപ്പ് പ്രവർത്തനങ്ങൾക്ക് നേതൃത്വം നൽകിയിരുന്നയാളാണ്. മുഖ്യമന്ത്രി വിഡി സതീശനുമായും രാഹുൽ മാങ്കൂട്ടത്തിലുമായും അടുത്ത ബന്ധമുള്ള യൂത്ത് കോൺഗ്രസ് നേതാവാണ് പിടിയിലായ ഷമീർ.

In a major drug bust at Poochakkal near Cherthala in Alappuzha, the district DANSAF team and local police seized 11.6 kg of ganja being smuggled in a car and arrested five people, including a local Youth Congress leader.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ഫെയ്‌സ് ക്രീമിന് ഇരയായി ഗായകനും, ഗുരുതര വൃക്കരോഗം ബാധിച്ചെന്ന് സലീം കോടത്തൂര്‍

പ്രൈമറി അധ്യാപകർക്ക് ജോലി നേടാം; കോട്ടയം പിഎം ശ്രീ കേന്ദ്രീയ വിദ്യാലയയിൽ അവസരം

നീലേശ്വരത്തിന് പുതിയ ട്രെയിൻ സ്റ്റോപ്പുകൾ; അവകാശവാദ തർക്കങ്ങൾക്കിടയിലും കാഞ്ഞങ്ങാടിന് അവഗണന തുടരുന്നു

വിജയ്ക്കൊപ്പം രജനികാന്തും സ്റ്റാലിനും ഒപ്പം സം​ഗീതയും; അനിരുദ്ധ്- കാവ്യ വിവാഹസത്കാര ചിത്രങ്ങൾ വൈറൽ

സമയക്രമത്തെച്ചൊല്ലിയുള്ള തർക്കം; കോഴിക്കോട് രണ്ടിടങ്ങളിലായി നിർത്തിയിട്ട രണ്ട് സ്വകാര്യ ബസുകൾ അടിച്ചുതകർത്തു