കണ്ണൂർ: മുൻ സന്തോഷ് ട്രോഫി ഫുട്ബോൾ താരവും പ്രമുഖ കായിക പ്രതിഭയുമായ വി.കെ. ശ്രീനിവാസൻ (84) അന്തരിച്ചു. കണ്ണൂർ പൊടിക്കുണ്ട് സ്വദേശിയാണ്. കണ്ണൂർ സ്പിരിറ്റഡ് യൂത്ത്സ് ക്ലബ്ബിലൂടെയാണ് അദ്ദേഹം തന്റെ ഫുട്ബോൾ ജീവിതം ആരംഭിച്ചത്. തുടർന്ന് തിരുവനന്തപുരം ടൈറ്റാനിയം കമ്പനിയിൽ ജീവനക്കാരനായ അദ്ദേഹം, കമ്പനിയുടെ ദീർഘകാല ഫുട്ബോൾ കോച്ചായും സംസ്ഥാന ടീമിനായി സന്തോഷ് ട്രോഫി ടൂർണമെന്റുകളിലും ജഴ്സി അണിഞ്ഞിട്ടുണ്ട്.

ഭൗതികശരീരം ഇരിണാവിലെ വീട്ടിൽ പൊതുദർശനത്തിന് വെച്ചു. ശവസംസ്കാരം ഇന്ന് വൈകുന്നേരം നടക്കും. സാവിത്രിയാണ് ഭാര്യ. ദിനീഷ് (കേരള ബാങ്ക്, തിരുവനന്തപുരം), ദീപ എന്നിവരാണ് മക്കൾ. പരേതരായ രാഘവൻ, നാരായണൻ (പള്ളിക്കുന്ന് പഞ്ചായത്ത് മുൻ മെമ്പർ), ലക്ഷ്മി, ജാനകി എന്നിവർ സഹോദരങ്ങളാണ്. കായിക ലോകത്തെ പ്രമുഖർ അദ്ദേഹത്തിന്റെ നിര്യാണത്തിൽ അനുശോചനം രേഖപ്പെടുത്തി.