പ്രകൃതിരമണീയമായ കാഴ്ചകളും ചരിത്രസ്മാരകങ്ങളും കൊണ്ട് സമ്പന്നമാണ് പാലക്കാട് ജില്ല. സഞ്ചാരികളെ ആകർഷിക്കുന്ന പാലക്കാടിലെ പ്രധാന വിനോദസഞ്ചാര കേന്ദ്രങ്ങൾ താഴെ പറയുന്നവയാണ്

സൈലന്റ് വാലി ദേശീയോദ്യാനം

മണ്ണാർക്കാട് നിന്ന് 40 കിലോമീറ്റർ അകലെ സ്ഥിതി ചെയ്യുന്ന സൈലന്റ് വാലി സഹ്യാദ്രിയിലെ നിത്യഹരിത വനമേഖലയാണ്. ചീവീടുകളുടെ ശബ്ദമില്ലാത്ത പ്രദേശം എന്ന പ്രത്യേകതയുള്ള ഇവിടം അപൂർവമായ സിംഹവാലൻ കുരങ്ങുകളുടെ ആവാസകേന്ദ്രം കൂടിയാണ്.

ബന്ധപ്പെടാൻ: 04924253225 / 8589895652

വെബ്സൈറ്റ്: www.silentvalley.gov.in

പറമ്പിക്കുളം വന്യജീവി സങ്കേതം

പാലക്കാട് നഗരത്തിൽ നിന്ന് 98 കിലോമീറ്റർ അകലെ 285 ചതുരശ്ര കിലോമീറ്ററിൽ വ്യാപിച്ചുകിടക്കുന്ന മനോഹരമായ വനപ്രദേശമാണിത്. ലോകത്തിലെ ഏറ്റവും വലിയ തേക്കുമരമായ 'കന്നിമാരി' ഇവിടെ കാണാം. ജലസംഭരണിയിലെ ബോട്ടിംഗും വനത്തിനുള്ളിലെ താമസസൗകര്യവും സഞ്ചാരികൾക്ക് പ്രിയപ്പെട്ടതാണ്.

ബന്ധപ്പെടാൻ: 04253277233 / 9447979102

വെബ്സൈറ്റ്: www.parambikulam.org

പാലക്കാട് കോട്ട (ടിപ്പുവിന്റെ കോട്ട)

പാലക്കാട് നഗരഹൃദയത്തിൽ സ്ഥിതി ചെയ്യുന്ന ഈ ചരിത്രസ്മാരകം 1766-ൽ ഹൈദരാലിയാണ് നിർമ്മിച്ചത്. ആർക്കിയോളജിക്കൽ സർവ്വെ ഓഫ് ഇന്ത്യയുടെ സംരക്ഷണയിലുള്ള ഈ കോട്ട രാവിലെ 8 മുതൽ വൈകുന്നേരം 6 വരെ സന്ദർശകർക്കായി തുറന്നു കൊടുക്കുന്നു.

നെല്ലിയാമ്പതി

'പാവങ്ങളുടെ ഊട്ടി' എന്നറിയപ്പെടുന്ന നെല്ലിയാമ്പതി സമുദ്രനിരപ്പിൽ നിന്നും 1572 മീറ്റർ വരെ ഉയരത്തിൽ സ്ഥിതി ചെയ്യുന്ന ഹിൽ സ്റ്റേഷനാണ്. തേയിലത്തോട്ടങ്ങളും സീതാർക്കുണ്ട് വെള്ളച്ചാട്ടവും മാൻപാറയും ഇവിടത്തെ പ്രധാന ആകർഷണങ്ങളാണ്. ട്രക്കിംഗ് ഇഷ്ടപ്പെടുന്നവർക്ക് മികച്ചൊരിടമാണ് ഈ മലനിരകൾ.