Poems

'ഈ കവിത വന്ന വഴി' - പ്രമോദ് കെ.എം. എഴുതിയ കവിത

'ഈ കവിത വന്നഉടനടിയിറങ്ങുമെന്‍കവിതാപ്പുസ്തകത്തിലെകവിതകള്‍ ചിലതിലെപരാമര്‍ശങ്ങള്‍  

Author : പ്രമോദ് കെ.എം

ഉടനടിയിറങ്ങുമെന്‍
കവിതാപ്പുസ്തകത്തിലെ
കവിതകള്‍ ചിലതിലെ
പരാമര്‍ശങ്ങള്‍

തനിക്കൊട്ടും പിടിച്ചില്ല
തന്നെകുറ്റപ്പെടുത്തുന്ന
വരികളും വാക്കുകളും
തിരുത്തിടേണം

അതുവരെയവള്‍ കാണാ
തതിഗൂഢമൊളിപ്പിച്ചോ
രെഴുത്തുകള്‍ വായിച്ചവള്‍
വഴക്കടിച്ചൂ

കവിതയില്‍ പറയുന്ന
കവിയുടെ കഥയെല്ലാം
ഭാവനയില്‍ വിരിയുന്ന
പൂവുകളല്ലേ?

പെരുത്തിഷ്ടമെനിക്കുള്ള
വരികളാണതിനാല്‍ ഞാന്‍
വഴങ്ങീലാ വരിയൊന്നും
ഒഴിവാക്കീലാ

തിരുത്തുകള്‍ നടത്താതെ
യിരുന്നാല്‍ ഞാനുറപ്പായും
മരിക്കുമെന്നവളെന്നോ
ടൊരുമ്പെട്ടപ്പോള്‍

വരിയൊട്ടും തിരുത്തില്ല
മരിക്കുന്നേല്‍ മരിച്ചോളൂ
പറഞ്ഞു ഞാനവളോടു
തെറി പലതും

മരിക്കുവാന്‍ മനസ്സില്ലെന്‍
മരണവും കവിതയില്‍
വരിയൊപ്പിച്ചെഴുതുവാന്‍
തിരക്കായല്ലേ?

അവളിതു പറഞ്ഞപ്പോള്‍
അവിടൊരു കടലാസില്‍
അഴകിലീ വരികള്‍ ഞാന്‍
എഴുതിവെച്ചൂ

ഇതു വായിച്ചവളെന്നോ
ടതുമിതും പറയാതെ
ഒരുവട്ടം ചിന്തിച്ചൊരു
ചിരി ചിരിച്ചൂ

അവളുടെ ചിരികൂടെ
കവിതയിലെഴുതെന്നു
കടലാസു നീട്ടിക്കൊണ്ടെന്‍
അടുത്തു വന്നൂ.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ബഹ്‌റൈന് നേരെ ഇറാന്‍ ആക്രമണം; വ്യവസായ കേന്ദ്രത്തില്‍ വന്‍തീപിടിത്തം

രാജസ്ഥാനില്‍ തീര്‍ഥാടക സംഘം അപകടത്തില്‍പ്പെട്ടു; ഒരു കുടുംബത്തിലെ ഒമ്പത് പേര്‍ക്ക് ദാരുണാന്ത്യം

ടെസ്റ്റില്‍ 108 സിക്‌സുകള്‍, സെഞ്ച്വറിയിലും നേട്ടം; റെക്കോര്‍ഡുകള്‍ അടിച്ചുകൂട്ടി പന്ത്

പന്തും ജുറേലും നിറഞ്ഞാടി, 720 റണ്‍സിന് ഡിക്ലയര്‍ ചെയ്ത് ഇന്ത്യ, 352 റണ്‍സ് ലീഡ്

ഗുരുവായൂര്‍ ക്ഷേത്രത്തിലെ സ്വര്‍ണമടക്കമുള്ള വസ്തുക്കളുടെ ആസ്തിവിവരപ്പട്ടിക വേണം: ഹൈക്കോടതി